Ջեյ Զիի բռնաբարության մեջ մեղադրող կինը հետ է վերցրել իր մեղադրանքները և պնդել, որ երբեք չի հանդիպել նրան
14:14 26 սեպտեմբերի, 20262000 թվականին Ջեյ Զիին բռնաբարության մեջ մեղադրած կինը հետ է վերցրել իր մեղադրանքները՝ դրանք անվանելով կեղծ։ Նախկինում նա պնդել էր, որ ռեփերը սեռական բռնության է ենթարկել իրեն, երբ ինքը 13 տարեկան էր։
Սեպտեմբերի 24-ին Ջեյն Դոու անունով մի կին դատական հայց է ներկայացրել Նյու Յորքում՝ պնդելով, որ երբեք չի հանդիպել Գրեմմի մրցանակի դափնեկիր Շոն Քարթերին, որը հայտնի է որպես Ջեյ Զի։
«Պարոն Քարթերի դեմ իմ արած մեղադրանքներում ճշմարտություն չկա», - ասել է կինը։
Նա նախկինում պնդում էր, որ Ջեյ Զին բռնաբարել է իրեն 2000 թվականի MTV Video Music Awards մրցանակաբաշխությունից հետո։ Ըստ սկզբնական հայցի՝ միջադեպը տեղի է ունեցել Նյու Յորքի բնակարաններից մեկում կազմակերպված երեկույթի ժամանակ, որտեղ նա պնդել է, որ ներկա է եղել նաև Շոն «Դիդի» Քոմբսը։ Նա նաև նշել էր, որ միջադեպի հետևում է եղել մեկ այլ հայտնի կին, որի անունը չի հրապարակվել։
Նոր հայտարարության մեջ նախկին մեղադրողը իր նախկին մեղադրանքները անվանել է «կեղծ» և ընդգծել, որ ինքը երբեք չի հանդիպել Քարթերին։
«Պարոն Քարթերը երբեք իմ դեմ որևէ անպատշաճ արարք չի կատարել։ Պարոն Քարթերի դեմ իմ մեղադրանքներում ճշմարտություն չկա։ Ես հասկանում եմ, որ իմ կեղծ մեղադրանքները պարոն Քարթերին պատճառել են անսահման ցավ, տառապանք և վնաս, որը լիովին չի կարող վերականգնվել։ Ես անկեղծորեն և անվերապահորեն ներողություն եմ խնդրում պարոն Քարթերից նրան, նրա ընտանիքին և նրա հեղինակությանը պատճառած ավերիչ վնասի համար», - CNN-ին ասել է կինը։
CNN-ին տված հայտարարության մեջ Նյումանը նշել է, որ իր հաճախորդը «շարունակում է պնդել, որ ինքը սեռական բռնության զոհ է եղել, բայց լիովին սխալվել է, երբ պարոն Քարթերին անվանել է ենթադրյալ հանցագործ, և այդ մեղադրանքները կեղծ են եղել»։