Ինչու էր Սիլվեստր Ստալոնեն ուզում կոտրել Ռիչարդ Գիրի ատամները

Իր նոր՝ «Քայլերը»/The Steps հուշագրությունում Սիլվեստր Ստալոնեն հիշում է իր դերասանական կարիերայի սկզբում ամենասարսափելի պահերից մեկը՝ «Ֆլեթբուշի լորդերը» ֆիլմի նկարահանման հրապարակում Ռիչարդ Գիրի հետ ունեցած կոնֆլիկտը։ Ստալոնեի խոսքերով՝ իրենք այնքան լարված են բախվել, որ Գիրը, ի վերջո, լքել է նախագիծը։

1973 թվականին Ստալոնեն դեր է ստացել Ռիչարդ Գիրի և Ռոբերտ Դե Նիրոյի մասնակցությամբ՝ 1950-ականների երիտասարդ խուլիգանների մասին պատմող ֆիլմում։ Սակայն Գիրի հետ աշխատանքը արագորեն խնդրահարույց է դարձել։

Ստալոնեն իր հուշագրություններում գրում է, որ մի տեսարանի ժամանակ Գիրը բռնել էր նրա վերնաշապիկից և եղունգները խրել մաշկի մեջ։ Դերասանը խնդրել է նրան դադարեցնել, բայց Գիրը կրկնել է նույն ժեստը հաջորդ նկարահանման ժամանակ։

Հետո Ստալոնեն մոտեցել է ռեժիսոր Սթիվեն Վերոնային և հարցրել, թե կարո՞ղ է արդյոք իմպրովիզացիա անել և արձագանքել այնպես, ինչպես կանի իրական կյանքում։ Երբ ռեժիսորը հարցրել է, թե ինչ է նա անելու, Ստալոնեն պատասխանել է. «Ի՞նչ։ Ես կջարդեի նրա ատամները»։

«Խնդրում եմ, մի՛ արա», - պատասխանել է Վերոնան։

Սակայն դերասանների միջև լարվածությունը չի մեղմացել։ Ստալոնեի պատմածի համաձայն՝ շուտով բռնկվել է մեկ այլ հակամարտություն. Գիրը հավի ճարպը թափել է իր ոտքի վրա։ Նրանց միջև վեճ է սկսվել, և Գիրը, ի վերջո, հեռացվել է ֆիլմից։

Հետագայում Ռոբերտ Դե Նիրոն նույնպես լքել է նախագիծը՝ ընտրելով աշխատել մեկ այլ ֆիլմի վրա։ Գիրի և Դե Նիրոյի դերերը, ի վերջո, տրվել են Փերի Քինգին և Հենրի Ուինքլերին։