ReA Academy Lab-ի բաց կանչ միջին փորձառություն ունեցող մասնագետների համար

ՌեԱ փառատոնը՝  Հ. Հովնանյան ընտանեկան հիմնադրամի աջակցությամբ, հայտարարում է ReA Academy Lab-ի բաց կանչը։ Եթե դուք պրոդյուսեր, սցենարիստ կամ վիզուալ արվեստագետ եք, ապա այս հնարավորությունը հենց ձեզ համար է։   Լաբորատորիայի մասնակիցների կազմում նախատեսվում է 5֊7 պրոդյուսեր, 5֊7 սցենարիստ և 15 վիզուալ արվեստագետ։

Վիզուալ արվեստագետների խմբում կարող են ընդգրկվել Concept Artist, Character Designer և այլ թվային արվեստագետներ։ Պրոդյուսերների թվում կարող են լինել անիմացիոն արտադրության, նախագծերի զարգացման կամ հարակից ոլորտներում գործող մասնագետներ։ Սցենարիստները պետք է զբաղվելիս լինեն կամ ունենան հետաքրքրություն զբաղվելու անիմացիոն նախագծերի կամ պատմությունների մշակմամբ։

Հիբրիդային մասնագիտական լաբորատորիան կանցկավի 4 շաբաթ, որից 3 շաբաթ՝ առցանց | 1 շաբաթ՝ Երևանում։  Ծրագիրը նախատեսված է միջին փորձառություն ունեցող մասնագետների համար, որոնք ցանկանում են զարգացնել իրենց կարողությունները դեպի ավելի բարձր, միջազգային մակարդակ։ Լաբորատորիայի նպատակն է խորացնել մասնագիտական կարողությունները, ծանոթացնել միջազգային արտադրական և համատեղ արտադրության գործելակերպերին և կապ ստեղծել Հայաստանի մասնագիտական միջավայրի ու միջազգային անիմացիայի ոլորտի միջև։

Նախատեսվում են վեց մասնագիտական ուղղություններով դասընթացներ՝ 

• Անիմացիոն արտադրություն և պրոդյուսինգ - Անրի Մագալոն, Ֆրանսիա
• Անիմացիոն սցենարագրություն ևպատմության զարգացում - Ստեֆան Կազանջյան, Ֆրանսիա
• Concept Art - Արմին Թաղդիսիրադ, Իտալիա
• Character Design - Զավեն Նաջար, Ֆրանսիա
• Տեսողական արվեստների ոլորտում տեխնիկական գրագիտություն - Խոսե Լուիս Ֆարիաս Գոմեզ
• Կոմպոզիտոր, երաժշտական ​​պրոդյուսեր, հնչյունային դիզայներ և կրթական ծրագրերի համադրող - Անդրիեշ Գանդրաբուր 

Ծրագրի միջազգային մասնագետ֊մենթորների հետ աշխատանքը իրականացվելու է բացառապես անգլերենով։ Տարիքային սահմանափակում չկա։ Համապատասխան մասնագիտական կրթությունը ցանկալի է, սակայն ընտրությունը հիմնված է առաջին հերթին մասնագիտական փորձի, աշխատանքի որակի, ներուժի և ծրագրին համապատասխանության վրա։

Ծրագրի ամբողջական նկարագրությանը, մասնակցության պայմաններին և անհրաժեշտ նյութերի ցանկին ծանոթանալու համար կարող եք դիտել բաց կանչի ամբողջական փաստաթուղթը: 

Դիմումների վերջնաժամկետ՝  01.10.2026, 23:59:

Հիշեցնենք, որ  ReA Academy Lab-ի աջակիցներ ՀՀ Սփյուռքի գործերի գլխավոր հանձնակատարի գրասենյակ՝ ReA Academy Lab-ի շրջանակում սփյուռքահայ մասնագետների ներգրավման, նրանց մասնագիտական ներուժն ու փորձը Հայաստանի մասնագետներին փոխանցելու և փոխգործակցությունը խթանելու նպատակով։ ՌեԱ Փառատոնի գլխավոր աջակիցն է ՀՀ ԿԳՄՍ-ն, իսկ գլխավոր հովանավորն է Երևանի քաղաքապետարանը։