Պատրիսիա Կաասին հայկական էքսկլյուզիվ կոնյակ են նվիրել (ֆոտո)
16:03 10 մարտի, 2014Ֆրանսիացի հայտնի երգչուհի Պատրիսիա Կաասը Երեւանում այցելել է Երեւանի կոնյակի գործարան։
Երգչուհուն, ով երեկ համերգ է ունեցել ՄՀՀ-ում, գործարանում անակնկալ էր սպասվում։
Գործարանի տնօրեն Արտակ Բարսեղյանը Կաասին նվիրեց «Արարատ Հայաստան» կոնյակ, որն, ի դեպ, սահմանափակ քանակությամբ է արտադրվել։
Ավելի վաղ մամլո ասուլիսի ժամանակ երգչուհին ասել էր, որ միշտ ցանկացել է այցելել Հայաստան բայց վստահ չի եղել, որ ճանաչված է հայ հանդիսատեսի շրջանում:
Սակայն գերազանց ընդունելությունը ցրել է աստղի բոլոր կասկածները: Երգչուհին ընդգծել է, որ ընդունելությունն այնքան ջերմ էր, որ հիմա մտածում է եւս մեկ համերգով Հայաստան այցելելու մասին:
Լուսանկարները՝ Արսեն Սարգսյանի