«Ես դրան կհարվածեմ». Քորթնի Քարդաշյանը քննադատել է Ջենիֆեր Լոուրենսին՝ իրեն ծաղրելու համար  

«The Kardashians» ռեալիթի շոուի ութերորդ եթերաշրջանի պրեմիերան զերծ չի մնացել սկանդալներից, հայտնի քույրերի միջև վեճերից և Հոլիվուդյան աստղի վրա անսպասելի հարձակումներից։ Քորթնի Քարդաշյանը հուզական սկանդալ է սկսել Ջենիֆեր Լոուրենսի դեմ, մինչդեռ Քիմ Քարդաշյանը անհարմար իրավիճակում է հայտնվել Քլոեի կատակի պատճառով։

47-ամյա Քորթնին քննադատել է 36-ամյա դերասանուհուն, երբ նա իրեն անվանել է «ավելի նյարդայնացնող, քան երբևէ»։

«Թող գրողի ծոցը գնա այդ Ջենիֆեր Լոուրենսը», - հայտարարել է Քորթնին մեքենայում՝ իր ընկերոջ Սայմոն Հաքի հետ։

Զրույցը հասել է Լոուրենսին, երբ Հաքը հիշատակել է դերասանուհու կողմից Քորթնիին ուղարկված էլեկտրոնային նամակը և հարցրել, թե ով է նրան հայտնել ռեալիթի շոուի աստղի էլեկտրոնային հասցեն։ Այնուհետև հեռուստադիտողներին ցուցադրվել է Vanity Fair-ի անցյալ տարվա տեսանյութից մի հատված, որտեղ Լոուրենսը ստի դետեկտորի թեստ էր անցնում, մինչդեռ Ռոբերտ Փեթինսոնը հարցաքննում էր նրան։ Երբ դերասանը նրան ցույց է տվել Քլոե Քարդաշյանի լուսանկարը և հարցրել, թե արդյոք նա իսկապես հայտնի ընտանիքի իր սիրելի անդամն է, Ջենիֆերը դրական պատասխան է տվել։

Սակայն, ըստ երևույթին, դերասանուհու անկեղծությունը չի խանգարել նրան Քորթնիի մասին բավականին կոշտ մեկնաբանություններ անել։

«Քորթնին ինձ ավելի շատ է նյարդայնացնում, քան երբևէ։ Նա ինձ խելագարեցնում է, քանի որ ամեն ինչի մասին հայտարարում է։ Օրինակ՝ «Ես այլևս հագուստ չեմ հագնելու»,- ասել է Լոուրենսը՝ ընդօրինակելով Քորթնիին։ «Պարզապես հագեք այն, ինչ ուզում եք։ Մի՛ դարձրեք դա հայտարարություն»։

Այս խոսքերը լսելով՝ Քորթնին զայրացել է։ Նա բացահայտել է, որ այդ դրվագը քննարկել է մոր՝ Քրիս Ջենների հետ։

«Այսինքն՝ նա կարծում է, որ ինքը իմ քույրերից մե՞կն է։ Ես դրան այնքան ուժեղ կհարվածեմ, որ քիչ չի թվա»,- հիշել է Քորթնին իր արձագանքը։ Նա նույնիսկ առաջարկել է մորը հրավիրել Լոուրենսին՝ իր հետ հարցերը լուծելու, ինչպես արել էր քույրերի հետ։

Քորթնին խոստովանել է, որ դերասանուհու խոսքերը հատկապես ծանր է ընդունել, քանի որ այդ ժամանակ տանն էր և կրծքով կերակրում էր երեխային։ Սակայն, ավելի ուշ պարզվել է, որ պատմությունն անսպասելի շրջադարձ է ունեցել։ Քորթնիի խոսքով՝ Ջենիֆերը Քիմից խնդրել է նրա էլեկտրոնային փոստի հասցեն և գրել, որ իրեն զգում է «ինչպես իմ քույրերից մեկը»։

Այս բարի նամակը Քորթնիին դրդել է կրկին դիտել տեսանյութը։ Կրկին դիտելուց հետո նա այլևս որևէ վիրավորական բան չի նկատել դերասանուհու խոսքերում։

«Օ՜, լավ, այդքան էլ վատ չէ», - խոստովանել է նա։

Քորթնին բացատրել է, որ այդ ժամանակահատվածում ինքը հատկապես խոցելի էր. այդ ժամանակ էր, որ եթեր դուրս եկավ ռեալիթի շոուն, և նա զգում էր, որ բոլորը իր դեմ են։