Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից
18:00 16 հոկտեմբերի, 2026Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը։ Երեկոյին հատուկ մասնակցություն կունենան նաև աշխարհահռչակ օպերային արտիստ Պլասիդո Դոմինգոն և միջազգային ճանաչում ունեցող սոպրանո Հասմիկ Գրիգորյանը։
Դոմինգոն սոցիալական ցանցերի իր էջերում հազվադեպ կադրեր է հրապարակել առաջիկա համերգի փորձերից, որոնց կից գրել է․ «Երեկ թատրոնում հիանալի փորձ ունեցանք Հասմիկ Գրիգորյանի, մենակատարների, երգչախմբի, նվագախմբի և երիտասարդների ծրագրի ձայների հետ։ Կհանդիպենք այսօր երեկոյան»։
Հավելենք, որ գալա-համերգը հարգանքի տուրք է մեծանուն հայ տենորի հիշատակին և նրա արվեստին, որը շարունակում է իր ուրույն տեղը զբաղեցնել համաշխարհային օպերային մշակույթի պատմության մեջ։
