Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները (VIDEO)
08:29 26 հոկտեմբերի, 2026Ծաղիկներ, պաստառներ, դրոշներ, երգ ու պար. այսպիսի տրամադրություն էր տիրում լուսադեմին «Զվարթնոց» օդանավակայանում, որտեղ մի խումբ երկրպագուներ և ընկերներ եկել էին դիմավորելու «Մանկական Եվրատեսիլ 2026»-ի հաղթողին՝ Հայաստանի ներկայացուցիչ Նարեին։ 13-ամյա երգչուհին հայրենիքին հաղթանակ բերեց իր «Boo» երգով, որում պատմում է իր վախերի մասին։
Նարեի երգն ու բեմադրությունը այնքան ոգեշնչեցին եվրոֆաներին, որ նրանք առատորեն քվեարկեցին գեղեցկադեմ ու տաղանդավոր աղջկա օգտին, ով չնայած երիտասարդ տարիքին՝ իր առաջին հաղթանակը նվիրեց Հայաստանին։
Թեև ուշ ժամ էր, օդանավակայանում տիրում էր բարձր տրամադրություն ու աշխուժություն։ Նարեին դիմավորեցին հենց նրա հաղթական երգի ռիթմերի ներքո։ Մեր պատվիրակը հայրենիք ժամանեց բարձր տրամադրությամբ ու միանգամից հայտնվեց բոլորի ուշադրության կենտրոնում։ Նարեն հասցրեց պատասխանել նաև NEWS.am STYLE-ի հարցերին։ Երգչուհին դեռևս էմոցիաների ներքո է, բայց ասում է՝ ուրախությամբ է վերադարձել Հայաստան, թեև արդեն կարոտում է մրցույթում ձերք բերած ընկերներին։ «Բոլորին շատ էի կարոտել, Հայաստանը շատ էի կարոտել ու անչափ ուրախ եմ, որ ընկերներս եկել են ինձ դիմավորելո»,-ասաց Նարեն։
Երգչուհին իրականացրեց իր մանկության երազանքը՝ ոչ միայն ներկայացրեց Հայաստանը հեղինակավոր մրցույթում, այլև դարձավ դրա հաղթողը։ Նոր երազանքների մասին Նարեն դեռևս չի շտապում խոսել, բայց վստահ է՝ կունենա բարձր նպատակներ, որոնց ևս կհասնի հաջողությամբ։
Ի՞նչ է սպասվում Հայաստանի հաղթանակից հետո։ արդյոք մրցույթը երրորդ անգամ կգա՞ Հայաստան։ Այս և այլ հարցերի պատասխանները, ինչպես նաև պատվիրակության մյուս անդամների տպավորությունները՝ մեր պատրաստած ռեպորտաժում։
Սյունե Առաքելյան