Լամին Յամալի և Ինես Գարսիայի ներդաշնակ կերպարները՝ «Ոսկե գնդակ 2026»-ի կարմիր գորգին
15:05 27 հոկտեմբերի, 2026Հոկտեմբերի 26-ին Լոնդոնի Պալադիումում կայացած «Ոսկե գնդակ 2026»-ի 70-րդմրցանակաբաշխության ընթացքում ֆուտբոլային աստղերն ուշադրության կենտրոնում էին ոչմիայն իրենց մարզական նվաճումներով, այլև կարմիր գորգի վրա ցուցադրած ոճայինկերպարներով։ Երեկոյի ամենաուշագրավ զույգերից էին «Բարսելոնայի» աստղ Լամին Յամալը ևնրա ընկերուհին՝ ինֆլուենսեր Ինես Գարսիան, որոնք ներկայանում էին համահունչ, բայց միևնույնժամանակ անհատականությամբ առանձնացող կերպարներով։
Երկուսն էլ նախապատվությունը տվել էին սևին, սակայն Յամալը դասական գունային լուծումըհամարձակորեն լրացրել էր վարդագույն ծաղկային բրոշով։ Chanel-ի այս արտահայտիչ աքսեսուարընրա կերպարին յուրահատուկ շունչ էր հաղորդել՝ դառնալով երեկոյի ամենաքննարկվողնորաձևության դետալներից մեկը։ Սև հագուստի և վառ վարդագույն շեշտադրման համադրությունըերիտասարդ ֆուտբոլիստի կերպարին հաղորդել էր ժամանակակից ու համարձակ բնույթ՝ ևս մեկանգամ ցույց տալով, որ ֆուտբոլային աստղերի ոճը կարող է նույնքան ուշադրություն գրավել, որքաննրանց ելույթները խաղադաշտում։
Ինես Գարսիան, իր հերթին, ընտրել էր նրբագեղության և դրամատիկ շքեղության համադրություն։Նա կրում էր Giuseppe Di Morabito-ի սև երեկոյան զգեստը, որի երկար, մարմնին ընդգծված ուրվագիծնավարտվում էր ջրահարսի պոչ հիշեցնող փեշով։ Կերպարի գլխավոր շեշտադրումըկառուցվածքային, արտահայտիչ ուսերն էին, որոնք զգեստին հաղորդում էին ճարտարապետականտեսք և ընդգծում դրա յուրօրինակ դիզայնը։
Երկար թևքերը՝ ձեռնոցների տպավորություն ստեղծող դետալներով, ամբողջացնում էին կերպարը՝ժամանակակից նորաձևությունը միահյուսելով հին Հոլիվուդի շքեղության հետ։ Զգեստիազդեցիկությունը պայմանավորված էր ոչ թե առատ զարդարանքով, այլ հստակ ուրվագծով,համաչափություններով և զուսպ, բայց տպավորիչ դիզայնով։
Գարսիան իր կերպարը լրացրել էր փայլուն ականջօղերով, ադամանդե մատանիներով և նրբորենհարդարված մազերով։ Աքսեսուարների ընտրությունը ներդաշնակորեն լրացնում էր սև զգեստը՝պահպանելով կերպարի նրբագեղությունն ու չծանրաբեռնելով այն ավելորդ մանրամասներով։
Սակայն Լամին Յամալի անունը երեկոյի ընթացքում հնչեց ոչ միայն նորաձևության համատեքստում։Ֆուտբոլիստն արժանացավ նաև Կոպայի գավաթին (Kopa Trophy), որը շնորհվում է մինչև 21 տարեկան լավագույն ֆուտբոլիստին։
Լուսանկարները՝ lamineyamalgol/Instagram, Getty Images