Կարա Դելևինը վերածվել է իսկական շիկահեր գեղեցկուհու՝անճանաչելիորեն փոխելով արտաքինը

Նա հասցրել է հանդես գալ որպես մոդել, դերասանուհի և երաժիշտ, իսկ այժմ Կարա Դելևինը նաև ամբողջովին փոխել է իր արտաքինը՝ Նյու Յորքում կայացած ֆոտոշարքի համար։ Այսպես է մոդելի նոր ոճափոխությունը մեկնաբանել Daily Mail-ը։

34-ամյա սուպերմոդելը հրաժարվել է վերջին ամիսներին կրած շագանակագույն մազերից՝ նախապատվությունը տալով աչքի ընկնող՝ շեկ վարսերին։

Պլատինե շիկահերի կերպարում մոդելը գրեթե անճանաչելի տեսք ուներ, երբ ոլորվում ու շարժվում էր Մանհեթենի բանուկ փողոցի կենտրոնում։

Բրիտանացի աստղը պառկել էր հետիոտնային անցման վրա՝ կրելով Swarovski-ի՝ պատվերով պատրաստված սև ու արծաթագույն զգեստ և մինչև ծնկները հասնող ցանցվոր գուլպաներ։

Victoria’s Secret-ի նախկին հրեշտակը վերջին տարիներին սկսել է ավելի ընտրողաբար մոտենալ աշխատանքային առաջարկներին։ Մոտ մեկ տասնամյակ առաջ նա աստիճանաբար հեռացավ մշտական մոդելային գործունեությունից՝ կենտրոնանալով դերասանական կարիերայի և երաժշտության վրա։

Վերջին տասը տարիների ընթացքում նա նաև մի շարք նշանակալի դերեր է ունեցել մեծ էկրանին՝ նկարահանվելով, մասնավորապես, «Ինքնասպանների ջոկատը» ֆիլմում, ինչպես նաև հեռուստատեսային նախագծերում, այդ թվում՝ «Քարնիվալ Ռոու» և «Միայն սպանություններ շենքում» սերիալներում։

Լուսանկարը՝ AbacaPress/SplashNews.com