Սիրո խոստովանություն՝ առանց առիթի. Բրուքլին Բեքհեմի՝ կնոջն ուղղված ջերմ խոսքերը հակասական մեկնաբանություններ են առաջացրել համացանցում
10:45 30 հոկտեմբերի, 2026Դևիդ և Վիկտորիա Բեքհեմների ավագ որդին՝ Բրուքլին Բեքհեմը, ապացուցում է, որ հատուկ առիթներ պետք չեն կնոջը հաճոյախոսություն անելու համար։ Բրուքլինը կնոջ հետ նոր լուսանկար է հրապարակել, որին կից կրկին սիրո գեղեցիկ խոստովանություն է արել նրան.
«Իմ գեղեցիկ Նիկոլա, դու ինձ համար բացարձակապես ամեն ինչ ես։ Դու իմ ամբողջ աշխարհն ես, իմ լավագույն ընկերը և իմ կյանքի ամենակարևոր մարդը։ Ես այնքան հաջողակ եմ, որ ինձ բախտ է վիճակվել հենց քեզ սիրել և քո կողքին անցկացնել իմ կյանքը։ Ես քեզ սիրում եմ ավելին, քան խոսքերը կարող են փոխանցել»,-գրել է նա։
View this post on Instagram
Այս գրառումն, իհարկե, հուզել է զույգի հետևորդներին, ոմանց մոտ էլ հակասական հարցեր առաջացրել։
«Հաճելի է տեսնել, թե ինչպես եք միասին ուժեղանում»,-գրել է հետևորդներից մեկը։
«Հրաշալի է տեսնելը՝ ինչպես է տղամարդը նրբորեն սիրում ու պաշտպանում իր կնոջը»,-հավելել է մեկ ուրիշը։
Մի օգտատեր էլ հորդորել է. «Հաշտվիր ծնողներիդ հետ», մինչդեռ մյուսը նշել է. «Եթե մի օր բաժանվես, միայնակ ու տխուր կմնաս… միայնակ և առանց ընտանիքի»։
Հավելենք, որ տևական ժամանակ է՝ Բրուքլինը գժտված է ընտանիքի անդամների հետ։