10 հազար տղամարդ՝ մեկ օրում․ OnlyFans-ի աստղ Լիլի Ֆիլիպսը ԱԲ-ի օգնությամբ ռեկորդ սահմանելու նոր միջոց է գտել
14:18 30 հոկտեմբերի, 2026Լիլի Ֆիլիպսը մտադիր է հասնել 10 հազար տղամարդու հետ սեռական հարաբերություն ունենալու ցուցանիշին, սակայն այս անգամ պարտադիր չէ, որ նա անձամբ մասնակցի յուրաքանչյուր հանդիպմանը։ OnlyFans-ի աստղը ստեղծել է իր թվային կրկնօրինակը, որը կկարողանա շփվել երկրպագուների հետ և նրանց առաջարկել ինտիմ բնույթի բովանդակություն։ Այսպիսով, բրիտանացի մոդելի հավակնոտ ծրագիրը անսպասելիորեն նոր՝ տեխնոլոգիական շարունակություն է ստացել։
Ինչպես հայտնում է TMZ-ը՝ հղում անելով Page Six-ին, Lily AI անվանումը կրող թվային կրկնօրինակը ստեղծվել է OhChat էրոտիկ բովանդակության արհեստական բանականության հարթակի միջոցով։ Այն պետք է վերարտադրի Ֆիլիպսի արտաքինը և ձայնը, ինչպես նաև օգտատերերին առաջարկի բացահայտ լուսանկարներ ու տեսանյութեր, ձայնային հաղորդագրություններ, նամակագրություն և տեսազանգեր։ Մոդելի վիրտուալ տարբերակից օգտվելու արժեքը 9,99 դոլար է։
Ֆիլիպսը բացատրել է, որ ֆիզիկապես չի կարող ժամանակ տրամադրել իր բոլոր երկրպագուներին, քանի որ օրվա ընթացքում ժամերի քանակը սահմանափակ է։ Նրա խոսքով՝ թվային կրկնօրինակը հնարավորություն է տալիս լսարանին առաջարկել շփման այլ ձևաչափ՝ պայմանով, որ օգտատերերը գիտակցում են՝ շփվում են արհեստական բանականության, այլ ոչ թե անձամբ իր հետ։
Արհեստական բանականությամբ ստեղծված կրկնօրինակը պետք է ընդլայնի երկրպագուների հետ շփման հնարավորությունները և դառնա նրա հավակնոտ ծրագրերի մի մասը։ Սակայն մարտահրավերի իրականացման հստակ մեխանիզմը և այն, թե ինչպես է թվային կրկնօրինակը նպաստելու հայտարարված ցուցանիշին հասնելուն, առայժմ լիովին պարզ չեն։
Ֆիլիպսն ավելի վաղ էլ ուշադրություն էր գրավել իր աղմկահարույց սեռական մարտահրավերներով։ 2024 թվականին նա հայտարարել էր, որ մեկ օրվա ընթացքում սեռական հարաբերություն է ունեցել 101 տղամարդու հետ, իսկ ավելի ուշ խոսել էր մասնակիցների թիվը մինչև 1000 հասցնելու մտադրության մասին։ 2025 թվականին մոդելը նաև հայտարարել էր մեկ շաբաթվա կամ մի քանի օրվա ընթացքում 10 հազար տղամարդու մասնակցությամբ նման միջոցառումների շարք անցկացնելու ծրագրի մասին։