Թեյլոր Սվիֆթը բացահայտել է, թե ինչ «տարօրինակ» սովորություն ունի իր մտերիմ ընկերուհի Էբիգեյլ Անդերսոնի հետ, որին ստիպված են համակերպվել նաև նրանց ամուսինները

Թեյլոր Սվիֆթն ու նրա մտերիմ ընկերուհի Էբիգեյլ Անդերսոնը դեռևս դպրոցական տարիներից եկող մի յուրօրինակ սովորություն ունեն, որը պահպանվել է մինչ օրս, գրում է PEOPLE-ը։

36-ամյա երգչուհին իր վաղեմի ընկերուհու հետ ունեցած ընկերության մասին պատմել է «Խաղալիքների պատմություն 5» մուլտֆիլմի ցուցադրությունից հետո։ Նոյեմբերի 1-ին՝ կիրակի օրը, Նյու Յորքում կայացած հատուկ հարցուպատասխանի ընթացքում նա զրուցել է ֆիլմի ռեժիսոր Էնդրյու Սթենթոնի հետ և նշել, որ Էբիգեյլի հետ իր մտերմությունը որոշ առումներով հիշեցնում է Բոնիի և Բլեյզի կերպարների հարաբերությունները։

«Կուզենայի շարունակել Էնդրյուի միտքը՝ գտնելու մեկին, ով նույնքան տարօրինակ ու զվարճասեր է, որքան դու, և բացատրել, թե ինչու Բոնիի ու Բլեյզի պատմությունն այդքան հոգեհարազատ դարձավ ինձ համար»,- երկրպագուներիցմեկի հրապարակած տեսանյութում ասել է Սվիֆթը՝ հիշելով, թե ինչպես է ավագ դպրոցում ծանոթացել Անդերսոնի հետ։

«Երբ 14 տարեկանում տեղափոխվեցի Նեշվիլ, գիտեք՝ դու նորեկ ես դպրոցում և մտածում ես. «Ո՞ւմ հետ ընկերանամ։ Այս աղջիկները լավն են, այս աղջիկներն էլեն լավը, սրանք էլ բարի են»։ Բայց կար Էբիգեյլ անունով մի աղջիկ, որն, ի դեպ, Բլեյզի նման գանգուր մազեր ուներ։ Եվ մենք երկուսով միայն մի բան էինք ուզում՝ խոսել «Նապոլեոն Դինամայթ» ֆիլմի հերոսի ձայնով»,- պատմել է երգչուհին։

«Եվ մենք դա անում ենք մինչ օրս։ Մեր ամուսիններն էլ ստիպված են համակերպվել դրա հետ»,- հավելել է Սվիֆթը՝ առաջացնելով հանդիսատեսի ծիծաղը։

Այնուհետև երգչուհին նմանակել է «Նապոլեոն Դինամայթ» ֆիլմի գլխավոր հերոսի խռպոտ ձայնը։ Այդ կերպարը մարմնավորել է դերասան Ջոն Հեդերը։

«Երբ գտնում ես մեկին, ով քեզ ամբողջությամբ ընդունում է այն տարօրինակ ու յուրահատուկ տեսքով, որով դու կաս ամենաանկեղծ վիճակում, դա ինձ վրա շատ մեծ տպավորություն թողեց ֆիլմը դիտելիս»,- ասել է Սվիֆթը։

Գրեմմիի մրցանակակիր երգչուհին հուլիսի 3-ին Նյու Յորքի Մեդիսոն Սքվեր Գարդենում ամուսնացավ NFL-ի աստղ Թրևիս Քելսիի հետ։ Իսկ Էբիգեյլ Անդերսոնն իր ամուսնու՝ Չարլզ «Չարլի» Բերարդի հետ ամուսնացել է 2022 թվականին։

Լուսանկարը՝ Kevin Mazur/WireImage