63-ամյա Դեմի Մուրը հիացրել է ներկաներին՝ CFDA Fashion Awards մրցանակաբաշխությանը ներկայանալով խորը բացվածքով ջինսե զգեստով
22:08 3 նոյեմբերի, 2026Երկուշաբթի երեկոյան Նյու Յորքը դարձել էր նորաձևության և շոու-բիզնեսի ամենահայտնի դեմքերի հանդիպման վայրը։ Բազմաթիվ աստղեր հավաքվել էին Բնական պատմության ամերիկյան թանգարանում՝ մասնակցելու 2026 թվականի CFDA Fashion Awards մրցանակաբաշխությանը, որը համարվում է ոլորտի ամենահեղինակավոր ամենամյա միջոցառումներից մեկը։
Երեկոյի ամենաուշագրավ հյուրերից էր 63-ամյա Դեմի Մուրը, ով իր ոճային և ինքնատիպ կերպարով գրավել էր ներկաների ուշադրությունը։
Դերասանուհին ընտրել էր Zac Posen-ի դիզայնով GapStudio-ի տպավորիչ ջինսե զգեստը։ Պարանոցի շուրջ ամրացվող ուսակապերով զգեստն առանձնանում էր խորը բացվածքով, կորսետի ոճով կառուցված կիպ կրծքամասով և առջևի հատվածում ամբողջ երկայնքով ձգվող կոճակների շարքով։ Այս դետալները կերպարին հաղորդում էին միաժամանակ նրբագեղ և համարձակ տեսք։
Մուրը կերպարը լրացրել էր մարմնագույն բարձրակրունկ կոշիկներով, իսկ նրա փայլուն սև մազերը թափվում էին ուսերին։
CFDA Fashion Awards մրցանակաբաշխությունը նվիրված է նորաձևության ոլորտում նշանակալի ձեռքբերումներին և ճանաչում է տարվա ընթացքում աչքի ընկած դիզայներներին։ Մրցանակաբաշխության շրջանակում հանձնվում են չորս հիմնական մրցանակներ՝ կանացի ևտղամարդու հագուստի, աքսեսուարների լավագույն դիզայներներին, ինչպես նաև նորաձևության ոլորտում խոստումնալից նորահայտ տաղանդներին։
