Ջուդ Բելինգհեմի Calvin Klein ներքնազգեստի գովազդը հաթվածահար է արել Նյու Յորքի երթևեկությունը  

Calvin Klein-ի նոր գովազդային արշավը, որը ներկայացնում է Անգլիայի հավաքականի և Մադրիդի Ռեալի աստղ Ջուդ Բելինգհեմին, մեծ իրարանցում է առաջացրել Նյու Յորքում:

Հյուստոնի և Լաֆայետ փողոցների խաչմերուկում գտնվող հսկայական գովազդային վահանակը դարձել է տեղական տեսարժան վայր. վարորդները ազդանշան են տալիս, կանգ են առնում և դուրս են գալիս մեքենաներից՝ ֆուտբոլիստին ներքնազգեստով լուսանկարելու համար:

«Մարդիկ ամբողջ օրը ազդանշան են տալիս և դուրս են գալիս մեքենաներից՝ տեսանյութեր նկարահանելու համար», - Page Six-ին ասել է տեղացի բնակիչներից մեկը: Մեկ այլ աղբյուր գովազդը անվանել է նոր զբոսաշրջային տեսարժան վայր. «Նա պարզապես սեքսուալ է»:

Լուսանկարում Բելինգհեմը կեցվածք է ընդունում Icon Cotton Stretch Hip Brief–ի վարտիքով: Արշավը արագ տարածվել է TikTok-ում, օգտատերերը հատուկ ուղևորություններ են կատարում քաղաքի կենտրոն՝ ֆուտբոլիստի պատկերով լուսանկարներ անելու համար: Տեսանյութի ստեղծողներից մեկը կատակել է, որ եթե աղջիկն ասում է, որ գնում է Սոհո գնումների, ապա նա կարող է այնտեղ գնալ Ջուդով հիանալու, այլ ոչ թե դիզայներական պայուսակները տեսնելու համար: Մեկ այլ անձ տեսանյութը մակագրել է. «Տիկնայք, մի մոռացեք վայելել Նյու Յորքի լավագույն տեսարանը»։

Բելինգհեմը Անգլիայի հավաքականի կազմում խփել է յոթ գոլ 2026 թվականի Աշխարհի առաջնությունում։ Նա նաև եզրափակչի մասնակից էր Grindr «Bulge of the Year» կատակ վարկանիշում, որը ներկայացնում է տղամարդկանց ամենաակնառու ուրվագծերը։ 2024 թվականին նա նաև նկարահանվել է Skims ապրանքանիշի գովազդային արշավում։

Calvin Klein-ի լուսանկարահանումը տեղի է ունեցել օգոստոսին Մադրիդում։ Դրա հեղինակը լուսանկարիչ Օլիվեր Հադլի Պիրչն է։

Մոտավորապես 17-ը 23 մետր չափի գովազդային վահանակը Calvin Klein-ի կողմից օգտագործվել է մի քանի տասնամյակ։ Նախկինում դրա վրա պատկերված էր BadBunny-ն 2025 թվականի մարտին և «Արջը» աստղ Ջերեմի Ալեն Ուայթը 2024 թվականի հունվարին։ 2021 թվականին GQ ամսագիրը այս գովազդային տարածքը անվանել է նորաձևության «Հոլիվուդյան փառքի ծառուղի»։ Տարիների ընթացքում գովազդային վահանակը պատմություն է կերտել նաև իր պաշտամունքային արշավների շնորհիվ. 2020 թվականին դրա վրա պատկերված էր Ջարի Ջոնսը՝ տարածքում հայտնված առաջին սևամորթ տրանսգենդեր մոդելը, իսկ 2015 թվականին՝ Calvin Klein-ի գովազդում առաջին միասեռ զույգը։