Ալանիս Մորիսեթը բացահայտել է իր սեռական կողմնորոշումը. անսպասելի խոստովանություն  

52-ամյա կանադա-ամերիկացի երգչուհի Ալանիս Մորիսեթը հրապարակավ հայտարարել է, որ պանսեքսուալ է։ «Jagged Little Pill» հիթի կատարողն իր անսպասելի բացահայտումն արել է Handsome փոդքասթին մասնակցելիս։

Զրույցի ընթացքում հաղորդավարները հիշել են Մորիսեթի հուզական և հուզականորեն լիցքավորված երգերը։ Ֆեյմսթերը դիմել է երգչուհուն. «Ես ցավում եմ այն տղամարդկանց համար, որոնք վիրավորել են քեզ, բայց չեմ զղջում այն երգերի համար, որոնք դուրս են եկել դրանից»։

Այնուհետև նա հարցրել է. «Եղե՞լ է, որ դրա պատճառով ցանկանայիր լեսբուբի լինել»։

Մորիսեթը անմիջապես պատասխանել է. «Ես պանսեքսուալ եմ, այնպես որ՝ այո»։

Անսպասելի խոստովանությունը լսելով՝ Նոտարոն զարմացած հարցրել է. «Սպասիր, դու իսկապե՞ս պանսեքսուալ ես»։

«Այո», - հաստատել է երգչուհին։ Մարտինը հավելել է. «Ես էլ»։

Պանսեքսուալությունը սեռական, ռոմանտիկ կամ հուզական ձգողություն է մարդկանց նկատմամբ՝ անկախ նրանց սեռական ինքնությունից կամ կենսաբանական սեռից։ Ի տարբերություն բիսեքսուալության, այն չի սահմանափակվում միայն տղամարդկանց և կանանց նկատմամբ ձգողականությամբ և կարող է ներառել ձգողականություն տրանսգենդեր, ոչ բինար և այլ մարդկանց նկատմամբ, որոնց գենդերային ինքնությունը չի տեղավորվում ավանդական բինարության մեջ։

Երգչուհին նախընտրում է իր անձնական կյանքը գաղտնի պահել, բայց տարիների ընթացքում նա ունեցել է մի քանի աղմկահարույց սիրավեպեր։ Մորիսեթը նաև բացահայտ խոսել է հարաբերություններից և սեքսից իր նախկին կախվածության մասին։

Նրա ամենահայտնի հարաբերություններից մեկը դերասան Դեյվ Քուլիեի՝ «Full House» հեռուստասերիալի աստղի հետ էր։ Կարծիք կա, որ հենց այս տրավմատիկ փորձառությունն է ոգեշնչել երգչուհուն ստեղծել «Jagged Little Pill» ալբոմը, որը նրան համաշխարհային ճանաչում բերեց և դարձավ նրա կարիերայի ամենահաջողակներից մեկը։ Մորիսեթը նաև հանդիպել է դերասան Դեշ Միհոկի և փաստաբան Թոմ Բալանկոյի հետ։ Երգչուհին ներկայումս ամուսնացած է ռեփեր Մարիո «Սուլեյ» Թրեդվեյի հետ։