«148 դոլարանոց աղբ». Քիմ Քարդաշյանի սուրբծննդյան օրացույցը վրդովեցրել է գնորդներին. ապրանքանիշը առաջարկել է վերադարձնել գումարը
11:48 9 նոյեմբերի, 2026Քիմ Քարդաշյանը հայտնվել է նոր սկանդալի կենտրոնում. նրա 148 դոլարանոց SKIMS սուրբծննդյան օրացույցը խիստ քննադատության է ենթարկվել սոցիալական ցանցերում: Գնորդները հավաքածուի պարունակությունը անվանում են էժան աղբ և մեղադրում են Քիմին այնպիսի ապրանքներ վաճառելու մեջ, որոնք արժանի չեն իրենց գումարին:
Զայրույթը ծագել է TikTok-ում տարածված տեսանյութից, որտեղ հեղինակը բացել է օրացույցի բոլոր 12 նվերները: Տեսանյութը հավաքել է ավելի քան 45 միլիոն դիտում, և այդ պահին ապրանքն արդեն վաճառվել էր և հասանելի է միայն սպասման ցուցակում:
View this post on Instagram
Հավաքածուի մեջ ներառված էին SKIMS լոգոտիպով բանալիօղակներ, մետաքսե մազերի կապիչներ, բարետներ, ապրանքանիշի լոգոտիպով փափուկ հակասթրեսային խաղալիք և Սուրբ Ծննդյան զարդեր:
Տուփը բացելուն պես տեսանյութի հեղինակն ավելի ու ավելի էր նյարդայնանում: «Քիմբերլի, դու իսկապես սկսում ես ինձ զայրացնել: Սա շատ թանկ է», - հայտարարել է նա:
Շատ օգտատերեր կրկնել են նրա զայրույթը: Մեկնաբանողներից մեկը նույնիսկ գրել է, որ իրավիճակը «դատական հայցի հիմք է»՝ ընդգծելով, որ ինքը կատակ չի անում։
«150 դոլար այնայպիսի իրերի համար, որոնք, հավանաբար, արժեն մինչև 20 դոլար, չափազանց շատ է», - զայրացել է մեկ այլ օգտատեր։
Ոմանք օրացույցի բովանդակությունը համեմատել են մեքենայի նստատեղերի միջև գտնվող իրերի հետ, մինչդեռ մեկ ուրիշը կատակել է, որ թվում է, թե ապրանքանիշը պարզապես «մաքրում է Քիմի գիշերային սեղանիկը»։
Մյուսները նվերները անվանել են Temu-ի էժան ապրանք և շնորհակալություն հայտնել տեսանյութի ստեղծողին մյուս գնորդներին գումար խնայելու հարցում օգնելու համար։
Քարդաշյանի ներկայացուցիչը մեկնաբանել է իրավիճակը Page Six-ի հետ զրույցում։
«Մենք տեղյակ ենք որոշ հաճախորդների մտահոգություններին SKIMS-ի օրացույցի վերաբերյալ և ուշադիր լսել ենք նրանց արձագանքները։ Մենք հասկանում ենք, որ որոշ հաճախորդների համար հավաքածուի պարունակությունը չի համապատասխանել սպասումներին։ «Մենք անձամբ կապ ենք հաստատել օրացույցը գնած բոլորի հետ և առաջարկել ենք նրանց լրիվ վերադարձ կամ SKIMS կրեդիտ այլ ապրանքանիշերի գնումների համար», - ասել է խոսնակը։
Անցյալ տարի Ultimate Bush հավաքածուն՝ տարբեր երանգների և հյուսվածքների արհեստական սեռական մազերով ստրոնգերի շարք, հատուկ ուշադրության էր արժանացել։ Սոցիալական ցանցերի օգտատերերը չէին կարողանում թաքցնել իրենց զարմանքը. ոմանք կատակում էին 911 զանգահարելու մասին, իսկ մյուսները ստուգում էին օրացույցը՝ համոզվելու համար, որ ապրիլի 1-ը չէ։