Ավելի շատ միասեռական կիրք և հոկեյ. հիթային «Թեժ մրցակցություն» սերիալը կստանա երրորդ եթերաշրջան և լիամետրաժ ֆիլմ  

«Թեժ մրցակցություն» հեռուստասերիալի երկրպագուներն ունեն ուրախանալու նոր պատճառ. երկու հոկեյիստների սիրային պատմությունը կարող է ստանալ ոչ միայն երրորդ եթերաշրջան, այլև լիամետրաժ Սուրբ Ծննդյան ֆիլմ։

Ըստ Deadline-ի՝ աղբյուրներին հղում անելով, սերիալի ստեղծողները արդեն միաժամանակ նկարահանում են նախագծի երկրորդ և երրորդ եթերաշրջանները։ Ավելին, առանձին ֆիլմի վրա աշխատանքները նախատեսվում է սկսել դեկտեմբերին, ենթադրաբար որպես Սուրբ Ծննդյան հատուկ թողարկում կամ տոնական դրվագ։ Դրա կինոթատրոնային պրեմիերան նախատեսված է հաջորդ տարվա դեկտեմբերին։

Այնուամենայնիվ, առաջին եթերաշրջանի գլխավոր հերոսները՝ Իլյա Ռոզանովը և Շեյն Հոլանդերը, որոնց մարմնավորում են Քոնոր Սթորին և Հադսոն Ուիլյամսը, հավանաբար չեն հայտնվի ֆիլմում։ Պարբերականի տվյալներով՝ տոնական պատմության կենտրոնական հերոսները կլինեն երկրպագուների այլ սիրելիներ՝ Սքոթ Հանթերը և Քրիստոֆեր «Քիփ» Գրեյդին, որոնց մարմնավորում են Ֆրանսուա Արնոն և Ռոբի Ջ.Քեյը։

Կանադական Crave հոսքային ծառայության ներկայացուցիչները, որտեղ սկզբնապես ցուցադրվել է սերիալը, դեռևս չեն հաստատել այս տեղեկատվությունը: «Մենք որևէ նախագծի մասին հայտարարելու ոչինչ չունենք», - ասել են նրանք Page Six-ին: ԱՄՆ-ում սերիալը հեռարձակվում է HBO-ով։

«Թեժ մրցակցություն» սերիալի առաջին եթերաշրջանը ցուցադրվել է 2025 թվականի վերջին և գրեթե անմիջապես դարձել է միջազգային հիթ: Մրցակից թիմերում խաղացող երկու հոկեյիստների միջև գաղտնի սիրավեպի պատմությունը համաշխարհային ճանաչում է բերել սերիալի գլխավոր հերոսներին՝ Քոնոր Սթորիին և Հադսոն Ուիլյամսին։

Երկու հաջորդական եթերաշրջանների մասին լուրերն արդեն տարածվել էին: Դիլան Ուոլշը, որը մարմնավորում էր Շեյնի հորը, երկրպագուների հետաքրքրությունը առաջացրել Cameo հարթակում տեսանյութ հրապարակելուց հետո, որում նա խոսում էր Կանադայում 12 սերիա նկարահանելու մասին: