Հոլիվուդյան դերասան Առնոլդ Շվարցենեգերը նկարահանվել է «մահացու» տեսահոլովակում: Դրանում մարտաֆիլմերի 66-ամյա հերոսը Sweet Dreams երգի ներքո տանկով մխրճվում է տաքսիի եւ դաշնամուրի մեջ, հետո վրաերթի է ենթարկում մարզասարք, հսկայական զատկի ձու, փոքրիկ տանկ:
Կալիֆորնիայի նախկին նահանգապետը հոլովակը նկարահանել է After-School All-Stars բարեգործական ծրագրի շրջանակում (ընկերությունը 1992թ. հիմնադրել է հենց Շվարցենեգերը), որի նպատակը երիտասարդության շրջանում ֆիզկուլտուրայի եւ առողջ ապրելակերպի հանդեպ սեր արթնացնելու նպատակով իրականացվող ծրագրերի համար միջոցներ հավաքելն է:
Հոլովակը համացանցում հայտնվել է մարտի 12-ին եւ արդեն ավելի քան մեկ միլիոն դիտում է ունեցել: