72-ամյա չինացի մոդելը դարձել է աստղ
21:16 20 նոյեմբերի, 2012Չինաստանի 72-ամյա բնակչուհին ընդունել է իր թոռան առաջարկությունը դեռահասների հագուստի Yuekou խանութի գովազդի համար ֆոտոսեսիային մասնակցելու մասին: «Պլանետան» գրում է, որ հրաշալի կազմվածք ունեցող Լիու Քսինպինը ցուցադրել է երիտասարդների համար նախատեսնված հագուստ եւ աքսեսուարներ: Տատիկի կատակը բերել է անակնկալ արդյունքների՝ կայքի միջոցով խանութում հագուստի վաճառքները արագորեն աճել են, իսկ լուսանկարները կայծակնորեն տարածվել են հազարավոր կայքերում եւ բլոգներում: Կատակը դարձել է շատ հաջողված գովազդային արշավ:
China Newsweek-ի հաղորդմամբ՝ ֆոտոսեսիայի գաղափարը պապիկինն է եղել: «Հենց իմ ամուսինն է ընտրել ինչ-որ մի թոփ, հետո կիսաշրջազգեստ եւ սկսել է խորհուրդներ տալ, թե ինչպես այդ բոլորը համադրել մեկը մյուսի հետ: Դե, իհարկե, հրավիրվել է նաեւ լուսանկարիչը», - պատմել է նորահայտ եկած մոդելը: