Ի գիտություն կանանց. ինչպես տղամարդուն ճիշտ մերժել սեքսի հարցում
22:10 20 մարտի, 2014Ինչպես կինը ճիշտ մերժի տղամարդուն, եթե վերջինը սեքսի մասին է ակնարկում, իսկ գեղեցիկ սեռի ներկայացուցիչն առայժմ պատրաստ չէ դրան։ Տղամարդուն պետք է վճռական մերժել՝ պահպանելով հանգստությունն ու հարգանքը։
Անտեղյակ կնոջն այսպիսի իրավիճակը հոգեզգայական ցնցմամբ է սպառնում։ Սիրահետման շրջանում կնոջ մոտ «պարտավորվածության» խաբուսիկ զգացում է առաջանում, որը ստիպում է ժամանակ տրամադրել երկրպագուին։ Բայց երբ տարածությունը կրճատվում է, տղամարդը փափուկ «ոչ»-ը սկսում է հասկանալ որպես «այո»։ Ի՞նչ անել այդպիսի իրավիճակում։
Տղամարդու վարքագիծը կարող է մի քանի պատճառներով թելադրված լինել։ Կան «արուներ», որոնց չեն մերժել կամ շուրջը միշտ «չմերժողներ» են եղել։ Կան տղամարդիկ, որոնց պետք չեն երկարատեւ խաղեր, նրանք շուտափույթ անկողին են ձգտում։ Իհարկե, հաճելի է մտածել, որ ձեր սեքսուալությունը զուգընկերոջ մոտ գլխապտույտ է առաջացնում, սակայն հաճույքը կասկածելի է, երբ համակրանքը կպչուն է դառնում։
Նախ՝ պետք է արմատախիլ անել մեղքի զգացումը, դուք պարտավոր չեք տղամարդու հետ անկողին մտնել միայն այն պատճառով, որ ձեզ ծաղիկներ ու կոնֆետ է նվիրել կամ զուգընկերը հենց այդ երեկո է մերձեցման տրամադրվել։ Սեքսը երկուսի զբաղմունք է, որը պետք է փոխադարձ ցանկությամբ լինի։
Բայց պետք է հասկանալ, որ գրգռված տղամարդն ագրեսիվ է լինում։ Եթե ձեր մերժումը կոպիտ հնչի, հնարավոր է՝ ավելի շատ կոպտության արժանանաք։ Հարգալից վերաբերմունք ու հանգստություն պահպանեք։ Փորձեք մեղմորեն բացատրել մերժման պատճառը՝ հենվելով տղամարդու բանականության վրա։ Թույլ մի տվեք ուղղորդել կամ շանտաժի ենթարկել ձեզ։ Բացի այդ, անհրաժեշտ է հասկանալ, որ սեքսին տրամադրված տղամարդուն հիմարություն է ընկերություն առաջարկելը։ Փորձեք նրբանկատորեն ու քաղաքավարի լքել տղամարդու հետ ինտիմ մտերմության տարածքը։
Հնարամիտ կանայք կարող են մերժման ցանկացած պատճառ հորինել, եթե, իհարկե, ճիշտ պատճառը համոզիչ չի թվում։ Այդ կարող է լինել անհաջող հարաբերությունը նախկինի հետ, «սեքս՝ միայն հարսանիքից հետո» եւ, վերջապես, վեներական հիվանդությունները։
Եթե կինը վստահ չէ իր վրա կամ տարբեր պատճառներով ցանկանում է հետաձգել մերձեցումը, պետք է այդ մասին ակնարկել տղամարդուն։ Ապագայի հույսը կհանգստացնի տաքացած տղամարդուն։ Նա ոչ թե «մերժում» կլսի, այլ «այո», բայց՝ հետո։ Սեքսի մեջ «ոչ» ասելու կարողությունը կանանց համար շատ կարեւոր է, քանի որ կանանց հատուկ չէ առանց պարտականությունների ինտիմ հարաբերությունը։ Ցանկացած հարաբերության համար լավ է, եթե կինը լուրջ մոտեցում է նախընտրում։
Նյութը՝ hochu.ua կայքի