Ամառային դիմահարդարման գլխավոր միտումները
16:46 21 մարտի, 2014Գարունը դեռ նոր է սկսվել, սակայն ոճաբաններն արդեն առաջարկում են 2014 թվականի ամռան գլխավոր միտումները։ Հաստ հոնքեր, խիտ թարթիչներ, պաստելային ստվերաներկեր, փայլող դեմք... Այս ամենը, եւ ոչ միայն, նորաձեւ է լինելու ամռանը։ Սակայն ամեն ինչ հերթով։
Գեղեցիկ հարդարված հոնքերն այլեւս նորաձեւ չեն։ Ամռանն արդիական կլինեն հաստ կամ տղայական հոնքերը:
Դեղձագույն այտափոշի։ Եթե գարնանն արդիական էր վարդագույն այտափոշին, ապա ամռան համար նախապատվությունը տվեք դեղձագույնին։
Ամառային դիմահարդարման գլխավոր շեշտը, կարծես, դրված է թարթիչների վրա՝ որքան փարթամ եւ խիտ, այնքան լավ։
Ւնչ վերաբերում է ստվերաներկին, ապա նախապատվությունը պետք է տալ պաստելային երանգներին, ինչպես նաեւ սպիտակ եւ կապույտ գույներին։
Շրթներկի գույներից ամռանը նորաձեւ կլինեն նարնջագույնը, կարմիրը եւ բաց վարդագույնը։
Պատրաստեց՝ Շ.Շ.
Լուսանկարները՝ Elle-ի