Գեր մարդիկ ավելի երջանիկ են, քան նիհարները
19:02 21 նոյեմբերի, 2012Գիրանալու բարձր ռիսկայնության համար պատասխանատու գենով մարդիկ 8 տոկոսով պակաս են տառապում դեպրեսիայով:
The Telegraph հաղորդում է, որ այդպիսի եզրահանգման են եկել գենետիկները: Ստացված տվյալների հիման վրա նրանք հայտարարել են, որ գեր մարդիկ ավելի երջանիկ են, քան նիհարները: Նոր տվյալները ի չիք են դարձնում նախկինում գոյություն ունեցող տեսակետը, թե ավելորդ քաշը բերում է դեպրեսիվ վիճակի, իսկ այդ վիճակում մարդիկ, իրենց հերթին, քաշ են ավելացնում սխալ սնվելու եւ ակտիվության անկման պատճառով:
Բժիշկ Դեվիդ Մեյերը հայտարարել է, որ հայտնաբերված է դեպրեսիայի նոր մոլեկուլյար հիմքը: «Անցյալում երկվորյակների եւ բարեկամների վրա անցկացված հետազոտությունները ցույց են տվել, որ դեպրեսիաների դեպքերի մոտ 40 տոկոսը ժառանգական բնույթի են: Սակայն մինչ օրս կոնկրետ գեներ չեն նշվել», - ասել է նա:
Այս անգամ գիտնականները հետազոտել են 21 երկրի կամավորների ԴՆԹ-ի 17 հազար տեսակ: Գիրացման գենի եւ դեպրեսիայի ցածր ռիսկի միջեւ հայտնաբերված կապը ավելի ուշ հաստատվել է լրացուցիչ 3 հետազոտություններով: