Ինչպես իրը զարդարել արհեստական փայլուն քարերով
19:11 28 մարտի, 2014Արհեստական փայլուն քարերն առաջին տարին չէ, որ հագուստի եւ կոշիկի նորաձեւ տարր են դարձել: Դրանք կա՛մ սիրում են, կա՛մ ընդհանրապես չեն ընդունում, ոսկե միջին այս դեպքում չկա։ Ոմանք փայլուն քարերն ինքնատիպ գեղեցկություն են համարում, մյուսները՝ գռեհկություն։
Նորաձեւության սիրահարներն այս գեղեցիկ արհեստական քարերով զարդարում են ջինսերը, կոշիկները, պայուսակները, եղունգներն ու նույնիսկ ատամները։ Զգեստապահարանի յուրաքանչյուր իր կարող եք ինքնուրույն զարդարել դրանցով։ Դրա համար նախ կտորի համար նախատեսված սոսինձ է անհրաժեշտ։ Սոսնձի ցանկացած տեսակ կարելի է ձեռք բերել կտորեղենի խանութներում կամ ձեռքի աշխատանքի կրպակներում։
Եթե ցանկանում եք իրը բարդ նկարով զարդարել, կավիճ կամ հատուկ մատիտ օգտագործեք, որպեսզի հետո հեշտությամբ մաքրեք կտորի վրայից։ Այս փուլում պետք է մտածել նկարի չափսը, քարերի դասավորվածության ու դրանց գույնի մասին։
Գործողությունը առաջ պետք է մի քիչ վարժվել. փորձեք մի քանի քար ամրացնել փոքր կտորի վրա, որից կարված է այն իրը, որի վրա պետք է փորձարկում կատարեք։ Ի դեպ, այդ փորձերի ընթացքում կարող եք որոշել սոսնձի համապատասխան քանակությունը, որը պահանջվելու է տարբեր չափի քարեր ամրացնելու համար։
Եթե սոսինձը շատ է հավաքվել, այն քսեք թղթի վրա. սոսնձի ավելորդ մասը կմնա թղթի վրա, եւ դուք կկարողանաք քարերն ամրացնել կտորին։ Բայց զգույշ եղեք։ Սոսնձի հետքերը կարող են փչացնել իրը։
Այս նուրբ աշխատանքի համար լավ օգնական կարող է լինել բարակ ունելին։ Բայց չմոռանաք երբեմն այն կտորով մաքրել, որպեսզի իրը սոսնձից չփչանա։
Փայլուն քարերով նկարը պատրաստելուց հետո իրը մեկ օր ձեռք մի տվեք։ Սոսինձն ամբողջությամբ չորանալուց հետո կարող եք գործածել նորացված իրը։
Աղբյուրը՝ liza.ua