Մեծ Բրիտանիայում տղամարդկանց համար առնանդամը երեք անգամ մեծացնող կիսավարտիք են ստեղծել

Մեծ Բրիտանիայում տղամարդկանց համար կիսավարտիք են ստեղծել, որը երեք անգամով մեծացնում է սեռական օրգանները։ Այդպիսի կարեւոր գործով զբաղվել է բրիտանական Anne Summers ընկերությունը, որը մասնագիտացել է սեքս-խաղալիքների եւ ներքնազգեստի արտադրության ուղղությամբ։

Կիսավարտիքները տեսողականորեն մեծացնում են սեռական օրգանների չափսերը։ Դրանք ստեղծվել են կանացի push-up կրծքալի օրինակով. ներքնազգեստ, որը բարձրացնում եւ տեսողականորեն մեծացնում է կուրծքը։

Anne Summers ընկերության «Triple Boost» կրծքալի աննախադեպ հաջողությունից հետո բազմաթիվ տղամարդիկ, ովքեր պահանջել են, որպեսզի իրենց համար նույնպես ներքնազգեստ ստեղծեն, որը տեսողականորեն կմեծացնի նրանց «ուռուցիկությունը»։

Ընկերության անցկացրած հարցումը ցույց է տվել, որ հարցված տղամարդկանց գրեթե կեսը՝ 47%-ը, դժգոհ է ոչ մեծ «պարկի» տեսքից, որը նրանց տղամարդկությունն է ցուցադրում։ Նրանց գրեթե նույն հատվածը՝ 40%-ը, հայտարարել է, որ վերանայում է առնանդամի մեծացման հարցը՝ հաշվի չառնելով առողջությանը սպառնացող հնարավոր վտանգն ու վիրահատության գինը։

Այս հարցման արդյունքներն Ann Summers ընկերության մասնագետների համար հիմք են հանդիսացել, որպեսզի նրանք տղամարդկանց համար զենք ստեղծեն. կիսավարտիք, որը երեք անգամ տեսողականորեն մեծացնում է տղամարդու սեռական օրգանը։

«Մենք մտածեցինք, թե ինչո՞ւ միայն կանայք հնարավորություն ունեն այդպիսի ներքնազգեստ հագնել, իսկ տղամարդիկ ստիպված են ջանքեր գործադրել, որպեսզի ընդգծեն իրենց արժանիքը։ Այժմ այդ անարդարությունը հաղթահարված է։ Մենք վստահ ենք, որ տղամարդկանց նոր «Triple Boost» շարքի հետ դուք ամենամեծ ուռուցիկությունը կունենաք»,- ուժեղ սեռի ներկայացուցիչներին է դիմել ապրանքանիշի ներկայացուցիչը։ Հավաքածուն երեք գույն ունի՝ սեւ, կարմիր եւ փղոսկրի, եւ ներկայացվելու է այսօր՝ 2014 թվականի ապրիլի 1-ին։

Աղբյուրը՝ fedpost.ru