Մըրայա Քերին մանուշակագույն դիետա է սկսել
12:44 29 ապրիլի, 201444-ամյա երգչուհի Մըրայա Քերին մանուշակագույն դիետա է սկսել: Ներկայում այն ամերիկյան ամենանորաձեւ եւ տարածված դիետան է:
Ըստ այս դիետայի, կարելի է ուտել՝ որքան ցանկանում ես, բայց միայն այն մթերքները, որոնք մանուշակագույն են կամ երանգով մոտ են այդ գույնին: Արեւմուտքում տարածված բազմազան տեսականին նիհարել ցանկացողների առջեւ լայն հնարավորություններ է բացում, քանի որ այնտեղ կարելի է ոչ միայն խաղող ու հապալաս գտնել, այլեւ մանուշակագույն կարտոֆիլ, ծաղկակաղամբ ու գազար:
Այս դիետան, շնորհիվ օգտակար հատկությունների, լայն ճանաչում է ձեռք բերում ամբողջ աշխարհում: Մասնագետների պնդմամբ, այս մթերքները պարունակում են անտոցիաններ ու հարուստ հակաօքսիդանտներ: Այս բաղադրիչները դանդաղեցնում են ծերացման գործընթացը, կանխում սիրտ-անոթային հիվանդությունները եւ հայտնի են իրենց էներգետիկ հատկություններով: Օրինակ՝ սալորը մեծ քանակությամբ վիտամին C է պարունակում, իսկ հապալասն ընդհանրապես գիտնականները գերհատապտուղ են անվանում. այն օգնում է բարելավել տեսողությունն ու հիշողությունը:
Սակայն դիետոլոգները պնդում են, որ պետք է օրվա ընթացքում ծիածանի բոլոր գույներով մթերքներ օգտագործել: Մասնագետները խորհուրդ չեն տալիս սնվել միայն մանուշակագույն մթերքներով, քանի որ կարծում են, որ այդ բավականաչափ հավասարակշռված սննդակարգ չէ:
Աղբյուրը՝ Daily Mail
Լուսանկարները՝ Getty Images-ի, Alamy-ի, Deliciously Ela-ի