Յան Գիլանին շնորհվել է «Հայերի բարեկամ» կոչումը
16:55 30 ապրիլի, 2014Աշխարհահռչակ Deep Purple ռոք-խմբի վոկալիստ Յան Գիլանն արժանացել է «Հայերի բարեկամ» կոչմանը։ Ինչպես հաղորդում է խմբի պաշտոնական կայքը, երաժշտին կոչումը կշնորհվի Հայ Առաքելական եկեղեցու ԱՄՆ Արեւելյան թեմի կողմից։
Յան Գիլանը նման կոչման է արժանացել Գյումրիի N 6 երաժշտական դպրոցի կառուցման աշխատանքներին մասնակցելու համար։
Մրցանակը երգչին կհանձնվի մայիսի 2-ին՝ Նյու Յորքում, Արեւելյան թեմի 112-րդ ամենամյա հավաքի ընթացքում։