«Եվրատեսիլ-2014»: Երկրորդ փորձ. Արամ MP3-ի կոստյումն ու Not Alone-ի հատուկ էֆեկտները
20:08 2 մայիսի, 2014Կոպենհագենում կայանալիք «Եվրատեսիլ-2014» երգի միջազգային մրցույթին մի քանի օր է մնացել: Մրցույթում Հայաստանը ներկայացնող Արամ MP3-ն անցկացրել է երկրորդ փորձը: Առաջին անգամ ցուցադրվել են հատուկ էֆեկտներ, որոնք ուղեկցել են Not Alone ստեղծագործությունը:
Բացի այդ, Արամը ելույթ է ունեցել այն կոստյումով, որով նա մայիսի 6-ին ներկայանալու է մրցույթի առաջին կիսաեզրափակչին:
«Մենք դեռ մտածում ենք, թե ինչ գույն կոստյում ընտրենք. մոխրագո՞ւյն, թե՞ սեւ, ինձ դուր է գալիս սեւը»,- փորձից առաջ նկատել է երգիչը:
Աղբյուրը՝ Eurovision.tv