Արամ MP3-ի մամուլի ասուլիսը. «Հայկական միջնորդագիր Կոնչիտա Վուրստի դե՞մ. սուտ է, սեւ PR է իմ դեմ»

12:01   3 մայիսի, 2014

Երեք օրից Դանիայի մայրաքաղաքում մեկնարկում է երկար սպասված մրցույթը՝ «Եվրատեսիլ-2014»-ը։ Հայաստանի ներկայացուցիչ Արամ MP3-ն արդեն երկրորդ փորձն է անցկացրել, որի ընթացքում ցուցադրվել են Not Alone կոմպոզիցիայի հատուկ էֆեկտները։

Արամ MP3-ը փորձից հետո Կոպենհագենում մամուլի ասուլիս է տվել՝ պատասխանելով կայանալիք շոուի, ինչպես նաեւ Կոնչիտա Վուրստի դեմ հայկական, այսպես կոչված, «միջնորդագրի» մասին հարցերին։

Արամ, Հայաստանում բոլորը Ձեզ ճանաչում են որպես անակնկալներ մատուցել սիրող անձնավորություն։ Ի՞նչ անակնկալներ կարելի է սպասել կիսաեզրափակչում։

Բացի իմ վոկալ տվյալներից, ես մտադիր եմ հետաքրքիր տեսաշար ներկայացնել, որը մշակել ենք մեր թիմի հետ։ Դա մեր երգն ավելի օրիգինալ եւ գեղեցիկ կդարձնի։

Կոպենհագենում արդեն շրջե՞լ եք։

Այո, ես Հանս Քրիստիան Անդերսենի մեծ երկրպագուն եմ, եղա Ջրահարսի արձանի մոտ, կոստյում գնեցի՝ ջրահարսի պոչ, ցանկանում եմ նաեւ լինել Համլետի աշտարակում։ Ի դեպ, ես նաեւ դանիական թխվածքաբլիթի երկրպագու եմ։

Ի՞նչ կասեք այն հայերին, որոնք Կոնչիտա Վուրստի մասնակցության դեմ ուղղված միջնորդագիր են առաջարկել։

Առաջին անգամ եմ այդ մասին լսում։ Նշեմ, որ դա իրականությանը չի համապատասխանում։ Նման պահանջներ ես այլ լրագրողներից եմ լսել, ես այդ կարող եմ բնորոշել որպես սեւ PR իմ դեմ։



© NEWS.am STYLE