MET Gala 2014-ի լավագույն կերպարները

19:14 6 մայիսի, 2014

MET Gala պարահանդեսն ինչ-որ առումով նորաձեւության արդյունաբերության «Օսկար»-ն է: Այդ օրվան ամիսներ շարունակ են պատրաստվում: Ոճաբանների, դիմահարդարների եւ դիզայներների բանակն ընտրվում է մի քանի ամիս առաջ, աստղերի PR-գործակալների կողմից: Բայց եթե «Օսկար»-ից դուրս չեն մնում նաեւ կինեմատոգրաֆիայի «երկրորդ պլանի» աստղերը, ապա MET Gala-ի ցանկում միայն առաջնակարգ աստղեր են:

Երեկվա միջոցառումը նույնպես բացառություն չէր:

Նյու Յորքի Մետրոպոլիտեն թանգարանի աստիճաններով անցել են ժամանակակից շոու-բիզնեսի առաջատար դեմքերը, այդ թվում՝ Բեքհեմ ամուսինները, Սառա Ջեսիկա Փարքերը, Ռիհանան, Բեյոնսեն, Շարլիզ Թերոնը, Դիտա ֆոն Թիզը, Թեյլոր Սվիֆթը, Ռիզ Ուիզերսփունը, Լյուպիտա Նիոնգոն, Քեթի Հոլմսը, Օլսեն քույրերը եւ այլք:

Ներկայացնում ենք MET Gala պարահանդեսի լավագույն 10 կերպարները, որտեղ առաջատար են բրիտանացիները:

Վիկտորիա Բեքհեմը՝ Victoria Beckham-ի զգեստով