Կարելի է անվերջ մարզվել մարզադահլիճում, հատուկ քսուքներ եւ կոսմետիկ միջոցներ օգտագործել մաշկը իդեալական վիճակում պահելու համար, սակայն առանց ճիշտ եւ առողջ սննդի դա գրեթե անհնար է: Ստորեւ ներկայացնում ենք որոշ մթերքներ, որոնք կօգնեն ձեզ ձեր մաշկը թարմ, առողջ եւ խնամված պահել:
Ձիթապտղի ձեթ
Դեմքի գեղեցիկ եւ առողջ գույնը, ինչպես նաեւ բնական փայլը անհնար է առանց արյան լավ շրջանառության, որն ուղղակիորեն կախված է սրտամկանի ուժից եւ անոթների պատերի մաքրությունից եւ ամրությունից: Այս ամենին օգնության է գալիս ձիթապտղի ձեթը, որը մաքրում եւ ասես կյանքով է լցնում ամբողջ սիրտ-անոթային համակարգը:
Կոկոսի յուղ
Ունիվերսալ մթերք է, որն օգտակար է ոչ միայն դեմքի մաշկին կամ վարսերին քսելու, այլեւ սննդի մեջ օգտագործելու համար: Այն ոչ միայն կարգավորում է մաշկի գլոբալ խնդիրները, այլեւ դրական է ազդում դիմադրողականության եւ նյութափոխանակության վրա:
Ջուր
Իզուր չէ, որ գրեթե բոլոր քսուքներն ուղղված են մաշկի բջիջների խոնավությունն ապահովվելուն, այնպես որ ջրին պետք է մեծ տեղ հատկացնել:
Ձկնեղեն
Ձկան մեջ պարունակվող ճարպային թթուները մաշկի վրա բարակ պաշտպանիչ շերտ են ստեղծում եւ հանգստացնում մաշկը բորբոքումների դեպքում:
Կեֆիր
Առանց լավ մարսողութայն գեղեցիկ մաշկ չի լինում: Կեֆիրը կերակրափողն ապահովում է սուպերօգտակար բակտերիաներով, որոնք ապահովում են օպտիմալ ֆերմենտատիվ բալանսը եւ ինքնուրույն սինթեզում մաշկի համար անհրաժեշտ վիտամիններ:
Ցիտորուսային մրգեր
Վիտամին С-ն մեր մաշկի երիտասարդության համար ամենակարեւոր վիտամիններից է: Նարինջի կամ թուրինջի հաճախակի օգտագործումը լավացնում է մաշկի տեսքը, թարմացնում է եւ դանդաղեցնում ծերացումը:
Աղբյուրը՝ Elle.ru