«World Armenian Entertainment Awards». հայտնիներից ով ինչ մրցանակ ստացավ եւ այլ մանրամասներ
18:34 12 մայիսի, 2014Ինչպես NEWS.am STYLE-ն արդեն տեղեկացրել է, մայիսի 11-ին ԱՄՆ Կալիֆորնիա նահանգի «Palm springs» հանգստավայրի «Agua Galinete» խաղատան սրահում առաջին անգամ անցկացվել է «World Armenian Entertainment Awards» մրցանակաբաշխությունը։
Մրցանակաբաշխության արդյունքներով երգչուհի Սոֆի Մխեյանը հատուկ մրցանակի է արժանացել իր «Հայաստանի երգը» ստեղծագործության համար։
Երգիչ էրիկը նույնպես մրցանակ է ստացել։ Նրա «Առաջին ու միակ» երգը ճանաչվել է տարվա հիթ։
Մրցանակաբաշխության «տարվա լավագույն հեռուստանախագիծ» տիտղոսին արժանացել է «Կարգին սերիալը»։ Մրցանակը հանձնվել է Հայկ Մարությանին։
Հիշեցնենք, որ մրցանակաբաշխությանը մասնակցել են նաեւ Սիրուշոն, Լիլիթ Հովհաննիսյանը, Սիլվա Հակոբյանը, Անդրեն, Նազենի Հովհաննիսյանը եւ հայկական շոու-բիզնեսի մի շարք այլ ներկայացուցիչներ, որոնց մասին տեղեկություններ կներկայացնենք քիչ ավելի ուշ, իսկ այժմ ներկայացնում ենք լուսանկարներ՝ մրցանակաբաշխության ետնաբեմից։
