Ի գիտություն աղջիկների. ինչպես օգտվել աչքերի հեղուկ մատիտից

18:14   19 մայիսի, 2014

Ճիշտ օգտագործված մատիտն աչքերը մեծ, արտահայտիչ ու վառ է դարձնում։ Հեղուկ մատիտ քսելը դյուրին չէ: Այն սխալ օգտագործելու դեպքում կարող եք անհարթ գիծ ստանալ։ Աչքերի հեղուկ մատիտը ժամանակակից դիմահարդարման անհրաժեշտ միջոցներից է։ Այն օգնում է բնական դիմահարդարում ստանալ կամ, հակառակը, ընդգծել աչքերը՝ լայն, վառ գծեր անելով։

Մատիտի այս տեսակը քսելու որոշակի վարպետություն է պահանջում։ Եթե դուք նոր եք սկսում հեղուկ մատիտ օգտագործել, ձեռքերը վարժեցնելու համար ձեզ որոշակի ժամանակ է հարկավոր։

Մասնագետները սկսնակներին խորհուրդ են տալիս միայն վերին գծեր անել, նեքեւի կոպի վրա հարթ գիծ անելը բավական դժվար է։

Նախ վերեւի կոպի վրա բաց գույների ստվերաներկ քսեք։ Վրձնով տարածեք ստվերաներկը, այդ հիմքը կօգնի կայուն դիմահարդարում ստանալ։ Վերին կոպի ստվերաներկը կարելի է դիմափոշով փոխարինել։ Վրձնի օգնությամբ քսեք այն եւ հոնքերից ու թարթիչներից հեռացրեք ավելորդ մասը։

Կոպերի մատիտով սլաքներ ուրվագծեք։ Դրանից հետո կարելի է հեղուկ մատիտով գծեր անել։ Վրձինը թաթախեք հեղուկ մատիտի մեջ եւ անցեք նախապես մատիտով արված գծերի վրայով։ Հեղուկ մատիտով կարճ գծեր արեք՝ անհրաժեշտության դեպքում թաթախելով վրձինը։

Հեղուկ մատիտով գծերն անհրաժեշտ է հնարավորինս մոտ անել թարթիչների արմատներին, որպեսզի դրանց ու մատիտի արանքում սպիտակ հատվածներ չմնան։ Ավարտելով գծերը՝ թարթիչները ներկեք երկարացնող սեւաներկով, այն աչքերի դիմահարդարումն ավարտին է հասցնում։

Աղբյուրը՝ liza.ua



© NEWS.am STYLE