Ժիզել Բունդխենը՝ Chanel No. 5-ի նոր դեմք
16:14 24 մայիսի, 2014Բրազիլական սուպերմոդել Ժիզել Բունդխենը դարձել է Chanel No. 5 լեգենդար բույրի պաշտոնական դեմքը։
WWD-ի փոխանցմամբ, 33-ամյա աստղը շահավետ պայմանագիր է կնքել՝ շնորհիվ իր «բնական գեղեցկության եւ ժամանակակից կանացիության»։
Գովազդային հոլովակի ռեժիսորը Բազ Լուրմանն է. նա 2004 թվականին նկարահանել է նաեւ Նիկոլ Քիդմանի մասնակցությամբ Chanel No. 5-ի գովազդը։
Նշենք, որ Բունդխենն արդեն Chanel-ի հետ աշխատելու փորձ ունի։ Նա Les Beiges տոնային միջոցների շարքի դեմքն է։
Հիշեցնենք, որ նախկինում Chanel No. 5 օծանելիքը ներկայացրել են Օդրի Տատուն, Բրեդ Փիթը, Նիկոլ Քիդմանը եւ Մերլին Մոնրոն։
Բունդխենի մասնակցությամբ գովազդն աշխարհը կտեսնի 2014 թվականի վերջին: