Tony Awards 2014: հյուրերն ու հաղթողները
16:05 9 հունիսի, 2014Նյու Յորքի «Ռադիո-սիթի» սրահում երեկ երեկոյան կայացել է Tony Awards-ի 68-րդ մրցանակաբաշխությունը։ Այն վարել է դերասան Հյու Ջեքմանը։ Tony Awards-ը համարվում է թատերական ոլորտի «Օսկարը»։
Մրցանակաբաշխությանը ներկա են եղել Օրլանդո Բլումը, Քեյթ Մառան, Լյուսի Լյուն, Նիլ Պատրիկ Հարիսը եւ այլք։
Tony Awards-ն ամեն տարի մրցանակներ է շնորհում թատերական արվեստում ձեռքբերումների համար։ Ներկայումս այն ունի 27 անվանակարգ։
Հիմնական անվանակարգերի հաղթողներն են՝
Լավագույն մյուզիքլ - «Սիրո եւ մարդասպանության ջենթլմեն-գիդը»
Լավագույն պիես– «Ամբողջ ճանապարհին»
Լավագույն մյուզիքլային դերասան – Նիլ Պատրիկ Հարիս
Լավագույն մյուզիքլային դերասանուհի –Ջեսսի Մյուլլեր
Պիեսի լավագույն դերասան – Բրայան Քրենսթոն
Պիեսի լավագույն դերասան – Օդրա Մակդոնալդ
Մյուզիքլի լավագույն ռեժիսորական աշխատանք- «Սիրո եւ մարդասպանության ջենթլմեն-գիդը»
Պիեսի լավագույն ռեժիսորական աշխատանք – «Արեւի վրա»
Լավագույն երաժշտություն– «Մեդիսոնի կամուրջները»
Լավագույն բեմադրություն- «Կեսգիշերից հետո»
Լավագույն հանդերձանք– «Տասներկուերորդ գիշեր»
Աղբյուրը՝ Just Jared