Աղջիկներ, ուշադրություն. ինչպե՞ս կարելի է լամինացիա կատարել տնային պայմաններում

Կնոջ գեղեցկությունը սկսվում է նրա մազերի գեղեցկությունից։ Սա նշանակում է, որ մազերը պետք է ավելի լավ խնամել եւ պաշտպանել շրջակա միջավայրի կամ հարդարման պարագաների ազդեցությունից։ Ահա թե ինչու տնային պայմաններում լամինացիա կատարեկը, կարելի է ասել, չափազանց մեծ հետաքրքրություն է առաջացնում։  Վերջին շրջանում այդ գործընթացը մեծ տարածում է ձեռք բերել, քանի որ դրա շնորհիվ մազերը դառնում են ավելի հարթ, փայլուն եւ կառավարելի։ Բացի այդ, լամինացիան պաշտպանում է մազերը արտաքին գործոնների ազդեցությունից։ Լամինացիա կատարելու համար պարտադիր չէ, որ այցելեք գեղեցկության սրահ. տնային պայմաններում նման արդյունքի հասնելու համար ընդամենը անհրաժեշտ են ժելատինով պատրաստված հատուկ դիմակներ։

Բաղադրատոմս № 1. դասական դիմակ

Վերցրեք 1 ճ. գդ. ժելատին եւ ավելացրեք 3 ճ. գդ տաք ջուր։ Ստացված զանգվածը պետք է թրմել 15-20 րոպե։ Որպեսզի ժելատինը ավելի լավ լուծվի, կարելի է այն դնել ջուր տաքացնող սարքերի վրա, բայց ոչ մի դեպքում չի կարելի այն եռացնել։

Ստացված դիմակը քսեք մազերին եւ ծածկեք գլուխը պոլիէթիլենով, ապա սրբիչով։ 40 րոպե անց պետք է հանել դիմակը եւ շամպունով մի լավ լվանալ մազերը։ 

Բաղադրատոմս №2. յուղով դիմակ

Ժելատինով դիմակը պատրաստեք առաջին բաղադրատոմսում նշված տարբերակով։ Ստացված դիմակին ավելացրեք 1 թեյի գդալ մազերի համար նախատեսված բալզամ եւ մի քանի կաթիլ ցանկացած ցիտրուսային՝ մանդարինի, նարնջի, կիտրոնի կամ թուրինջի եթերային յուղ։ Դիմակը քսեք մազերի ողջ երկայնքով եւ թողեք մոտ մեկ ժամ։ Մեկ ժամ անց շամպունով լվացեք դիմակը։

Բաղադրատոմս №3. սնուցող դիմակ

Պատրաստեք ժելատինը վերեւում արդեն իսկ նշված ձեւով։ Դրանից հետո ավելացրեք 1 ձվի դեղնուց եւ մի լավ խառնեք։ Ստացված զանգվածը քսեք մազերին եւ ծածկեք այն պոլիէթիլենով ու սրբիչով։ Դիմակը մազերի վրա պահեք 40-50 րոպե, ինչից հետո շամպունով լվացեք մազերը։

Աղբյուրը՝ Liza.ua