Casadei – ի հավաքածուն Prabal Gurung – ի համար (ֆոտո)
17:47 30 նոյեմբերի, 2012Կոշիկի հանրահայտ իտալական Casadei բրենդը Prabal Gurung դիզայներական տան հետ համատեղ ներկայացրել է գարուն-ամառ 2013 սեզոնի Casadei for Prabal Gurung կոշիկի նոր հավաքածուն։
Դիզայներներ Չեզարո Քասադեին եւ Փրաբալ Գուրունգը դեռեւս տարվա սկզբին հանդիպման ժամանակ անմիջապես հասկացան, որ նախատեսվող հավաքածուի վերաբերյալ միանման հայացքներ ունեն։ Չեզարոն նշում է, որ Prabal Gurung – ն ունի կնոջ հմայքը, նրբագեղությունն ու ներքին ուժն ընդգծելու կարողություն, կատարողական վարպետություն, ինչպես նաեւ ուշադիր է դետալներին։ Իսկ Casadei տան գործերում Փրաբալն առանձնացնում է վարպետության ու ժամանակակից յուրօրինակ ոճի համադրությունը, բայց միեւնույն ժամանակ՝ մարկայի ավանդույթների պահպանումը։
Ըստ Puretrend - ի, Casadei for Prabal Gurung հավաքածուն երկու մոդել ունի։ Առաջինը՝ ցանցավոր կտորից փակ քթով «նվակներ», երկրորդը՝ ոտքին փաթաթվող գոտիկով սանդալներ։
Առաջին մոդելի տարբերիչ գիծը բարդ երկրաչափական կրունկն է։ Կոշիկները ներկայացված են սեւի, սպիտակի ու մոխրագույնի երկու երանգով։ Սպիտակ ու կարմիր կրունկների վրա պատկերված են սրտի կարդիոգրամա հիշեցնող լազերով արված եւ ապա ձեռքով ներկված նախշեր։
Երկրորդ մոդելի միավորներն արված են օձի կաշվով լրացված լաքապատ կաշվից, ինչպես նաեւ ներկայացված են նույն չորս երանգով։ Այս մոդելի շեշտը նույնպես կրունկի վրա է, որն արված է ֆիրմային գալվանացված արծաթից։