Արդեն վաղուց մեր առօրյա կյանք է ներխուժել ինտերնետ-շոփինգ հասկացությունը։ Շատ հաճախ աղջիկները նախընտրում են հագուստներ պատվիրել հենց Չինաստանից, քան գնալ երեւանյան խանութներ։
Այժմ մեծ տարածում են գտել ինտերնետ-խանութները։ Բայց իրականում որն է ավելի նախընտրելի. գնալ ու թափառել խանութներով եւ փնտրել քո ուզած հագուստները, թե՞ սպասել, որ դրանք կառաքեն Ձեզ։
Իհարկե, կան մարդիկ, ովքեր ինտերնետ-խանութների սիրահարներ են, իսկ մյուսները՝ իրական շոփինգի։
Եթե գնացել եք խանութ, ապա.
+ Կարելի է գնալ ընկերուհիների հետ, ովքեր միանգամից կարող են գնահատել քո ճաշակն ու ընտրած հագուստը։
+ Իրերը կարող եք շոշափել, փորձել եւ միանգամից հասկանալ՝ սազում է այն Ձեզ, թե՞ ոչ։
- Խանութ գնալը շատ ժամանակատար է։
- Անուշադիր վաճառողը կարող է փչացնել Ձեր տրամադրությունը։
- Մեծ կոշիկների կամ հագուստների տուփերը շատ ծանր են եւ դրանք բավականին դժվար է կրել։
Եթե մտել եք ինտերնետ-խանութ.
+ Հնարավորություն կա համեմատելու այդ հագուստի գինը մյուսների հետ եւ ընտրել համեմատաբար ձեռնտու տարբերակը։
+ Արտասահմանյան կայքերից իրեր պատվիրելիս ոչ մի կասկած չի առաջանա ապրանքանիշի օրիգինալ լինելու հարցում եւ գինն ավելի մատչելի կլինի։
+ Ժամանակի եւ ուժերի խնայողություն։
- Սխալ չափս ընտրելու վտանգ։
- Պետք է սպասել։
- Իրականում հագուստը կարող է ավելի վատ տեսք ունենալ, քան նկարում։
Ինտերնետում կան մի շարք կայքեր, որտեղ մարդիկ կիսվում են իրենց տպավորություններով եւ հարցերով։ Սա օգտակար է այն մարդկանց համար, ովքեր նախընտրում են օնլայն-շոփինգը։ Իսկ եթե Դուք ցանկանում եք զբաղվել ակտիվ շոփինգով, ապա առաջ՝ առեւտրային սրահներ։
Աղբյուրը՝ Liza.ua