Նոր տարին միշտ տոնի, հրաշքի եւ սիրո սպասում է բերում: Եւ ինչ նվիրել Ամանորին, եթե ոչ ձեռագործ աշխատանքներ, որոնք պատրաստված են սիրով: «Ani Plaza hotel»-ում այսօր տեղի ունեցավ ձեռագործ աշխատանքների ցուցադրություն: Այստեղ կարելի էր գտնել ամեն ինչ. բիժուտերիա, մոմեր, շարֆեր, զարդեր, հախճապակի, անգամ փափուկ խաղալիքներ: Իսկ գլխավորն այն էր, որ դրանք բոլորը պատրաստված էին ձեռքով եւ վաճառվում էին հեղինակների կողմից:
Ցուցահանդեսի շրջանակում «International Women's Association of Yerevan» կազմակերպությունը բարեգործական ակցիա էր իրականացնում: Սեղանների վարձակալության բոլոր գումարները կուղղվեն Սարուկյան բազմանդամ ընտանիքի տան վերանորգմանը: Յոթհոգանոց ընտանիքի անդամները 2-84 տարեկան են: