Քիչ առաջ Յուրմալայում ավարտվեց «Նոր ալիք» միջազգային երգի մրցույթի առաջին մրցութային համերգը, որի ընթացքում 13 երկրների 16 մասնակիցներ կատարեցին համաշխարհային հիթեր:
Հայաստանը ներկայացնող Սոնա Ռուբենյանը հանդես եկավ տասներորդ համարի ներքո՝ կատարելով Մայլի Սայրուսի «Wrecking ball» երգը:
Ժյուրին, որի կազմում են Իգոր Նիկոլաեւը, Լայմա Վայկուլեն, Լեոնիդ Ագուտինը, Վալերի Մելաձեն, Կոնստանտին Մելաձեն, Ֆիլիպ Կիրկորովը եւ Իգոր Կրուտոյը, մեր մասնակցին ընդհանուր հաշվով 67 միավոր տվեց:
Հիշեցնենք, որ վաղը՝ հուլիսի 24-ին, մրցույթի մասնակիցները երգելու են իրենց երկրի հիթերը՝ նախորդ տարիներին մրցույթում իրենց երկիրը ներկայացրած մասնակցի հետ։ Սոնա Ռուբենյանը Մհերի հետ կերգի «Հայաստան» երգը՝ նվիրելով այն Հայոց Ցեղասպանության 100-ամյակին:
Մրցութային երրորդ օրը մասնակիցները կատարելու են հեղինակային ստեղծագործություններ: Հայաստանի ներկայացուցիչը կերգի իր «Աշնան սերենադ» երգը: