«Նոր ալիք 2014». Սոնա Ռուբենյանը իններորդ հորիզոնականում է. առաջատարը Վրաստանն է

11:01   24 հուլիսի, 2014

Ինչպես հայտնել ենք Յուրմալայում ավարտվեց «Նոր ալիք» միջազգային երգի մրցույթի առաջին մրցութային օրը, որի ընթացքում 13 երկրների 16 մասնակիցներ կատարեցին համաշխարհային հիթեր: Հայաստանը ներկայացնող Սոնա Ռուբենյանը հանդես եկավ տասներորդ համարի ներքո՝ կատարելով Մայլի Սայրուսի «Wrecking ball» երգը: Ժյուրին, որի կազմում են Իգոր Նիկոլաեւը, Լայմա Վայկուլեն, Լեոնիդ Ագուտինը, Վալերի Մելաձեն, Կոնստանտին Մելաձեն, Ֆիլիպ Կիրկորովը եւ Իգոր Կրուտոյը, ընդհանուր հաշվով 67 միավոր տվեց մեր մասնակցին։ Առաջին մրցութային օրվա արդյունքներով առաջատարի դերում Վրաստանը ներկայացնող ՝ Նուցա Բուզալաձեն է։

Երկրորդ հորիզոնականը կիսում են միանգամից երեք մասնակից՝ Ուկրաինան ներկայացնող Վիկտորիա Պատրիկն ու Վյաչեսլավ Ռիբիկովը, ինչպես նաեւ Ալիշեր Կարիմովը՝ Ղազախստանից։ Նրանցից յուրաքանչյուրը հավաքել է 73 միավոր։72 միավորով երրորդ հորիզոնականում է հայտնվել Ռուսաստանի ներկայացուցիչը՝ Նոդար Ռեւիան։

Սոնա Ռուբենյանը առայժմ իններորդն է։ 



© NEWS.am STYLE