Թայրա Բենքս. Ես ներկայացրել եմ Քիմ Քարդաշյանի հայրենիքը՝ Հայաստանը
23:21 4 դեկտեմբերի, 2012Ողջ աշխարհում հայտնի սուպերմոդել եւ «Թոփ մոդել ամերիկյան ձեւով» շոուի հաղորդավարուհի Թայրա Բենքսը հայտնվել է Cosmopolitan ամսագրի հայկական տարբերակի դեկտեմբերյան համարի շապիկին:
Ինքը՝ սուպերմոդելը մեկնաբանել է լուսանկարն իր միկրոբլոգում, հիշեցնելով, որ Հայաստանը Քիմ Քարդաշյանի հայրենիքն է: «Ներկայացնում եմ Քիմ Քարդաշյանի հայրենիքը՝ ժպտալով Cosmopolitan-Հայաստանի համար»,- Twitter-ի իր բլոգում գրել է Թայրան:
Հիշեցնենք, որ ինքը՝ Քիմ Քարդաշյանը Cosmopolitan-ի հայկական տարբերակի շապիկին եղել է նախորդ տարվա մարտին:
