Զուգակցվող թեսթ. գլազուրե զարդանախշեր

Պատկերացրեք՝ արվեստի մարդ եք, եւ այսօր պետք է զարդարեք ձեր իսկ ստեղծած սպիտակ բաժակը։ Մի փոքր մտածելով, որոշեցիք այն երկնագույն ներկել։ Մնացել է միայն որոշել, թե ինչ նախշ եք անելու։ Ընտրեք, խնդրեմ, առաջարկվածներից ձեզ ամենաշատ դուր եկածը.

1. Պուտեր

2. Գծեր

3. Վանդակներ

4. Ալիքներ

Բանալին.

Մեր ենթագիտակցությունը երկնագույնը զուգակցում է ինտելեկտի ու երեւակայության հետ։ Ահա թե ինչու բաժակի սպիտակ «կտավի վրա» ձեր ենթագիտակցությունը կբացի ձեր մտակերտվածքի գաղտնիքը, կպատմի ձեր ուժեղ կողմերի մասին, որոնք ձեզ օգնում են հաղթահարել ձեր ճանապարհին ընկած ամեն տեսակ դժվարությունները։

1. Եթե բաժակը զարդարել եք պուտերով, արտիստիկ, ճկուն ու ստեղծագորական մտակերվածք ունեք։ Եվ թող երբեմն ձեր վարքը մարդկանց տարօրինակ թվա, մի մտահոգվեք։ Չէ՞ որ հենց ձեր նմաններն են աշխարհում ինչ-որ նոր ու արժեքավոր բան ստեղծում՝ անճանաչելիորեն վերափոխելով այն։

2. Գծավոր նախշը խոսում է ուղղամտության, արագորեն գործի անցնելու եւ բառերը քամուն չտալու ունակության մասին։ Դուք ի ծնե առաջնորդ եք, ով կարողանում է արագ ու ճիշտ կողմնորոշվել կյանքում եւ լուծել խնդիրները։ Ձեր շրջապատում շատերն են ձեզ վրա հույս դնում։

3. Բաժակը զարդարելու համար ընտրված վանդականախշը ձեզ բնութագրում է որպես շատ գործնական մարդ։ Դուք հրաշալի գլուխ եք հանում առօրեական բոլոր խնդիրներից։ Կարողանում եք ճիշտ օգտագործել ձեզ հասանելի ռեսուրսները. գումարը, ժամանակն ու ձեր ուժերը։ Դրանից բացի, միշտ օգնության եք հասնում նրանց, ովքեր իսկապես դրա կարիքն ունեն եւ, եթե իրոք արժանի են։

4. Ալիքաձեւ նախշը խոսում է մարդկանց մեջ սեր արթնացնելու հազվադեպ տաղանդի մասին։ Ձեր շուրջը կարծես սեր, աջակցություն ու համակրանք առաջացնող խորհրդավոր աուրա է ստեղծվում։ Սա ամենաեւին էլ չի նշանակում, թե դուք բոլորին ու յուրաքանչյուրին տրամադրում եք դեպի ձեզ։ Դա տեղի է ունենում ինքնստինքյան՝ ձեր ճառագած բարյացակամության ու ջերմության շնորհիվ։ Մարդիկ ձգվում են դեպի ձեզ եւ, ստանալով միայն դրական հույզեր, ձգտում են վերադարձնել ձեր նվիրածի գոնե մի փոքր մասը։

Տեքստը գրված է Տադահիկո Նագաոի աշխատանքի հիման վրա