Գեղեցկուհիներ Քեյթ Մոսը եւ Կարա Դելվինը՝ Burberry-ի գովազդում
14:04 2 սեպտեմբերի, 2014Աշնանը մի շարք ապրանքանիշեր ներկայացրեցին իրենց նոր բույրերը։ Երեկ Guerlain-ը ցուցադրեց կատարյալ տղամարդկանց համար նախատեսված L'Homme Ideal օծանելիքը եւ Shalimar Souffle de Parfum բույրը, որի գովազդային արշավի դեմքը դարձել էր Նատալյա Վոդյանովան։
Այժմ հերթը Burberry-ին է։ Նորաձեւության այս տունը համացանցում տեղադրել է ապրանքանիշի գովազդային արշավի ժամանակ արված լուսանկարները, որոնցից պարզ է դառնում, որ այս անգամ ապրանքանիշը ներկայացրել են Քեյթ Մոսն ու Կարա Դելվինը։
Մանեքենուհիները ներկայացրել են My Burberry նոր բույրը, որը վաճառքում հայտնվի հենց սեպտեմբեր ամսին։
My Burberry օծանելիքը կարժենա մոտ 72 դոլար։