Մարտ Բաբայանը կատարել է Կոբզոնի երգը՝ դուդուկի հնչյուններ ավելացնելով Բաբաջանյանին

Երգիչ Մարտ Բաբայանը ներկայացրել է Իոսիֆ Կոբզոնի «Նոկտյուրն» երգի նոր տարբերակը. ինչպես գիտեք այդ ստեղծագործության երաժշտությունը գրել է հայ մեծանուն երգահան Առնո Բաբաջանյանը։

«Ես մեծացել եմ նրա երգերի ներքո, ես զգում եմ նրա ազդեցությունն իմ կյանքի ցանկացած փուլի վրա։ Բացի այդ, հենց Առնոն է ինձ օգնել երգեր գրելու հարցում։ Նա մի հիանալի ու մեծանուն երգահան է, ում հաջողվել է իր ստեղծագործություններում հայկականն ու ռուսականը միահյուսել իրար. ընդ որում, մեկը մյուսից անբաժանելի է»։

Ինչպես գիտեք Մարտը նախկինում էլ է Բաբաջանյանի երգացանկից երգեր կատարել, բայց ոչ «Նոկտյուրը»։

«Ես կարծում էի, որ այդքան չէի հասունացել, որ այդ երգը կատարեմ։ Այսօր էլ է այդպես թվում, բայց դուդուկի օգնությամբ (Մարտի տարբերակում հնչում է Գագիկ Գյուրջյանի դուդուկը) ես կարողացա գալ այս մտքին եւ ունկնդրին տալ այն, ինչ ուզում եւ զգում եմ։ Դուդուկն օգնեց ինձ հիշել մեր արմատները, երգի մեջ բարձրացնել հայրենասիրության նոտան։ Դուդուկի միջոցով ստեղծագործությունը որոշ նոր նրբերանգներ է ստացել. թող այս տարբերակը մի փոքր տարբեր ու յուրահատուկ լինի»։

Բայց միեւնույնն է, Մարտի «Նոկտյուրնը» դասական է. «Բոլորն այս երգր կատարում եմ ժամանակակից ձեւով կամ արեւմտյան լադերով։ Ես չեմ հեռացել երգի դասական տարբերակից, եւ կարծում եմ, որ Առնո Բաբաջանյանը կցանկանար, որ իր երգն այդպես երգեն՝ ոչ թե ժամանակակից, այլ այնպես, ինչպես նա է գրել»։