Մասնագետի խորհուրդը. ընտրում ենք հերափնջի տեսակը (ֆոտո)

17:59   8 դեկտեմբերի, 2012

Աղջիկները մոդայիկ ու գեղեցիկ լինելու ցանկություն ունեն։ Կարեւորը, որ մեկը մյուսին չհակասի։ Եթե խոսքը հագուստի մասին է, ամեն ինչ շատ հեշտ է՝ դուր եկավ, գնեցիր, փորձեցիր, չսազեց, կախեցիր ու մոռացար դրա մասին։ Իսկ ի՞նչ անել, եթե խոսքն այս սեզոնի նորաձեւ հերափնջի մասին է։ Չէ՞ որ չի կարելի կտրել մազերը, փոշմանել ու ամեն ինչ շտկել միանգամից։ Սակայն, իմանալով ընդամենը մի քանի նրբություն, կարող եք ընտրել նորաձեւ, իսկ կարեւորը՝ ձեզ սազող հերափունջ։ Այս կանոնների մասին NEWS.am STYLE – ի թղթակցին պատմեց Maravilla գեղեցկության սարհի վարսահարդար-մոդելյեր Գառնիկ Սողոմոնյանը.

«Սկզբունքորեն, չկա մի աղջիկ, ում հերափունջ չզասի, կարեւորն այն ճիշտ ընտրելն է։ Կարճ հերափունջը չի սազում դեմքի կլոր օվալին, այն տեսանելիորեն ավելի է  լայնացնում դեմքը։ Այդպիսի դեմքին կսազի սուպեր-կարճ՝ մինչեւ ճակատի կեսը կամ ավելի կարճ, ինչպես նաեւ՝ նոսր թեք հերափունջը։

«Կլեոպատրա» տիպի հերափունջը կսազի դեմքի նեղ օվալին։


Իսկ չափավոր կլոր եւ չափավոր նեղ օվալին կսազի ցանկացած տիպի հերափունջ։


Երբ հերափունջ եք կտրում, հաշվի առեք, որ պետք է կարողանաք ինքներդ այն ֆենել։ Դժվար թե հարմար լինի ամեն առավոտ վազել սրահ՝ հերափունջը տեսքի բերելու։ Իսկ չխնամված հերափունջն արտաքին տեսքն այնքան է փչանում, որ այն չի փրկի ոչ գրագետ դիմահարդարումը, ոչ էլ գեղեցիկ հագուստը»։


Գրի առավ Անահիտ Գրիգորյանը



© NEWS.am STYLE