Չինաստանում հարստացած մուրացկանը մեկ բաժին լապշայի դիմաց 160000 դոլար է վերադարձրել
22:26 16 հոկտեմբերի, 2014Չինաստանում հարստացած մուրացկանը մեկ բաժին լապշայի դիմաց 160000 դոլար է վերադարձրել։
Այս հուզիչ պատմությունը սկսել է քսան տարի առաջ՝ հեռավոր 1993թ-ին, երբ Հե Ռոնֆենը 17 տարեկան էր եւ ստիպված էր փող մուրալ Չինաստանի Թայչժոու քաղաքում, որպեսզի փրկեր իր ընտանիքը սովամահությունից։
«Մենք ընկերներով տեղափոխվեցինք Թայչժոու՝ աշխատանք փնտրելու, բայց մեզ մոտ ոչինչ չստացվեց։ Ոչ մի կոպեկ փող չունենալով, սոված ու հուսահատ՝ կանգնած էինք փողոցում, երբ հանկարծ հայտնվեց մի կին»,-հիշում է Հեն։
Դայ Զինֆենը անունով երիտասարդ կինը դեռահասներին պատմել է, որ նա եւ իր ամուսինը ղեկավարում են մի փոքրիկ հաստատություն, որը զբաղվում է լապշայի վաճառքով եւ հրավիրել իր մեկ սենյականոց բնակարան։ Երիտասարդ չինացիներն ընդունել են հրավերը, գնացել կնոջ տուն, լապշա կերել. կինն անգամ լողանալու համար ջուր է տաքացրել եւ քնելու տեղ տվել։ Այնուհետեւ այս առեղծվածային կինը նրանց համար աշխատանք է գտել մեկ այլ քաղաքում։
Հրաժեշտի ժամանակ այս «բարի սամարացին» նույնիսկ նրանց գումար է տվել եւ մի շարք բարեմաղթանքներ ասել։
«Նա ասաց, որ «գումար չունենալը նորմալ է, գլխավորը լավ մարդ լինելն է»։ Այս խոսքերը շատ կարեւոր են, եւ ես երբեք չեմ մոռանա դրանք»,- ասել է Ռոնֆեն։
Մի քանի տարի Հեն աշխատել է, հաջողությունների հասել, սակայն չի մոռացել բարի կնոջ մասին, ով փրկել է իրեն սովամահ լինելուց, կերակրել ու գումար տվել։ Բավականին հարստանալով՝ տղամարդը որոշել է գտնել նրան, ինչն այնքան էլ դժվար գործ չի եղել։ Մի քանի օր անց Հեն եւ 45-ամյա փրկիչն արցունքներն աչքերին հանդիպել ու խոսել են միմյանց հետ։
Կնոջ բարի գործի եւ մեկ բաժին լապշայի դիմաց տղամարդը նրան տվել է մեկ միլիոն յուան (մոտ 160000 դոլար), սակայն կինը հրաժարվել է վերցնել այդ շքեղ նվերը։ «Հեն ինձ անչափ հուզեց ու զարմացրեց, բայց ես չեմ կարող ընդունել նրա նվերը. չէ՞ որ ես նրան չեմ օգնել գումար վաստակելու հարցում»,- մեկնաբանել է Դայը՝ համաձայնելով Հեյից որպես նվեր ընդունել միայն իրեն անհրաժեշտ դեղահաբերը։
Աղբյուրը՝ Fishki.net