NEWS.am STYLE-ը շարունակում է ներկայացնել իր տաղանդաշատ ընթերցողների ձեռքի աշխատանքները։ Այս անգամ մեզ իր զարդերն է ուղարկել Աննա Սահակյանը։
Աննան առաջին մասնագիտությամբ տնտեսագետ է, երկրորդ մասնագիտությամբ՝ իրավաբան եւ աշխատում է իր մասնագիտությամբ: Առաջին զարդը պատրաստել է՝ ոգեշնչվելով ընկերների հորդորներից:
«Իմ ստեղծած զարդերի համար ընտրել եմ «Canna» անվանումը։ Այն բավական դժվար եւ նուրբ աշխատանք է: Հատուկ ուշադրություն եմ դարձնում գույների համադրությանը, քանի որ նրանք են լցնում մեր առօրյան:
Զարդերի պատրաստման ընթացքում օգտագործում եմ տարաբնույթ նյութեր. բամբակե թելեր, ուլունքներ, մետաքս, տարբեր որակի արծաթազօծ եւ ոսկեզօծ շղթաներ, իսկ քարերը ընտրում եմ միայն բնական:
Փորձում եմ ստեղծել ժամանակակից զարդեր, որպեսզի այն կրողները կարողանան համադրել տարբեր ոճի հագուստների հետ»,-նշում է նա։
«Canna»-ի ամբողջ տեսականին հասանելի է ֆեյսբուքյան համանուն էջում։