Բոթֆորտ երկարաճիտները կարող են եւ գռեիկ տեսք չունենալ

Որոշ իրեր կան, որոնք դժվար թե հայտնվեն քիչ թե շատ պարկեշտ աղջկա զգեստապահարանում։ Հագուստի այդ դետալներն այնքան են վարկաբեկված, որ դրանց հետ զուգորդումը միայն բացասական է։ Դրանց թվին են պատկանում հաստ տակերով բոթֆորտ երկարաճիտները, խոշոր ցանցավոր սեւ զուգագուլպաները, խոշոր կապերով կորսետները եւ այլն։ Գիտակցելով այդ հագուստի անարդար զրպարտությունը՝ NEWS.am STYLE - ը «Ատեքս» մոդայի կենտրոնի ոճաբան-դիզայներ Սեդա Մանուկյանի հետ որոշեց ցույց տալ, թե որքան ոճային ու առանց գռեհկության նշույլի կարող են լինել բարձրակրունկ կամ հաստ տակերով բոթֆորտ երկարաճիտները.

«Կարող եմ բոթֆորտի երկու կերպար առաջարկել։ Առաջինն անվանենք պայծառ աղջիկ. փխրուն կազմվածքով աղջիկը հաստ տակերով կամ բարձրակրունկ բոթֆորտով, կարճ ջինսե շորտով եւ ջինսե կարճ բոլերոով։ Կերպարը լրացնում են պայուսակը, ծաղկային տպագրությամբ հաստ զուգագուլպան, գործած շարֆն ու գլխարկը։

Ձեզ առաջարկվող երկրորդ կերպարն ավելի կոպիտ է։ Այն կարելի է անվանել «վայրի». նույն հաստ տակերով բոթֆորտները, սակայն ճարմանդ շղթան վերվեւից մի փոքր բաց է։ Եթե այն կապերով է, ապա ամենավերվեւի մասը կապած չէ։ Նույն ջինսե շորտը՝ բայց մաշված ու ծոպերով։ Վերեւում՝ «Rock» գրությամբ կամ թեմանտիկ պատկերներով մայկա։ Արեւային ակնոցը, փայլերով կամ մետաղական այլ հավելումներով պայուսակ, կաշվե կարճ բոլերո բաճկոն։ Ինչպես տեսնում եք, կերպարները շատ տարբեր են, սակայն դրանցից եւ ոչ մեկը գռեհիկ ու «էժանագին» տեսք չունի։

Գրի առավ Անահիտ Գրիգորյանը/NEWS.am STYLE