Հարբած Ջոնի Դեպը խայտառակվել է Hollywood Film Awards-ի ժամանակ

16:06 15 նոյեմբերի, 2014

Երեկ Հոլիվուդում տեղի է ունեցել Hollywood Film Awards-ի 18-րդ ամենամյա մրցանակաբաշխությունը։

Այս կարեւոր իրադարձությանը ներկա են եղել հոլիվուդյան մի շարք հայտնի աստղեր՝ Անջելինա Ջոլին, Կիրա Նայթլին, Բեն Աֆլեքը, Բենեդիկտ Քեմբերբեթչը, Ջենիֆեր Լոպեսը, Ջուլիան Մուրը, Շեյլի Վուդլին, Ջարեդ Լետոն եւ ուրշներ։

Մինչեւ հաղթողներին ներկայացնելը մի փոքր պատմենք Ջոնի Դեպի կատարած «քաջագործությունների» մասին։

Նախ դերասանը բոլորին ցնցել է, երբ ճոճվելով բեմ է բարձրացել եւ չի կարողացել ոտքի վրա կանգնել։ Մի կերպ հասնելով բարձրախոսին՝ դերասանը հայտարարել է, որ «սա ամենավատ բարձրախոսն է», որը նա երբեւէ տեսել է։ Ելույթ ունենալիս Ջոնը չի կարողացել մինչեւ վերջ ձեւակերպել իր մտքերն ու անընդհատ շեղվել է իր ասածից։

Եւ ներկաները, եւ լրագրողները ենթադրում են, որ դերասանը ներկայացել է ոչ սթափ վիճակում։

Իսկ ինչ վերաբերում է մրցանակներին, ապա տարվա լավագույն ֆիլմ ճանաչվել է ռեժիսոր Դեւիդ Ֆինչերի «Կորածը» (Gone Girl) ֆիլմը, լավագույն դերասան՝ Բենեդիկտ Քամբերբեթչը, լավագույն դերսանուհի՝ Ջուլիան Մուրը։