Ամերիկացի մոդելը «հարձակվել է» Քիմ Քարդաշյանի քրոջ վրա

Ինչպես արդեն տեղեկացրել ենք, Քիմ Քարդաշյանի քույրը՝ Քենդալ Ջեները, ընդամենը 19 տարեկան է, բայց արդեն լուրջ քայլեր է կատարել նորաձեւության ասպարեզում ու ամեն կերպ փորձում է ազատվել Քիմ Քարդաշյանի «ստվերից»։ Քենդալն արդեն հասցրել է դառնալ Karl Lagerfeld 2015-ի դեմքը, Նաոմի Քեփբելի հետ հայտնվել պոդիումի վրա Նյու Յորքի Նորաձեւության շաբաթի շրջանակներում, ինչպես նաեւ Փարիզում մասնակցել է Channel-ի ցուցադրությանը եւ Ժիզել Բունդհենի ու Ջոան Սմոլսի հետ ներկայացրել այս հայտնի ապրանքանիշի գարուն-ամառ հավաքածուն։

Պարզ է, որ Քենդալի նման հաջողությունները չէին կարող չշարժել մյուս մոդելների նախանձը։

Այդպիսի մոդելներից մեկն էլ Արիշե Ուենզերն է՝ BMG գործակալությունից, ով բաց նամակ է ուղղել Քենդալին եւ հայտարարել, որ նա արժանի չէ իր հաջողություններին, եւ դրա համար պարտական է միայն իր մայրիկին ու ազգանվանը։

Քենդալ Ջեներ

«Հարգելի Քենդալ, փորձիր մեկ րոպե պատկերացնել, որ դու եկել ես երրորդ աշխարհի մի երկրից կամ մի հեռավոր ու փոքրիկ քաղաքից, ապրում ես մեկ սենյականոց բնակարանում, ուրիշ ընտանիքում, եւ կտեսնես թե կյանքդ լրիվ այլ ճանապարհով կընթանա։ Դու ստիպված ես գնալ նորաձեւության մի տնից մյուսը, խնդրել, որ քեզ հետ պայմանագիր կնքեն, որոնք դու անգամ չես կարող կարդալ ու պետք է համաձայնես, որովհետեւ այլ ելք չունես։

Եվ կսկսես գումար աշխատել, ծնողներին օգնել, ովքեր ապրում են Բելառուսում կամ Վուլբրիջում, եղբորդ նվեր կառնես եւ անգամ թույլ կտաս քեզ ինքնաթիռի տոմս գնել եւ տոն օրերին գնաս ընտանիքիդ այցելության։

Արիշե Ուենզեր

Բայց սպասեք, նա ռեալիթի-շոուի աստղը չէ՞։Այո, Քարդաշյաններից ընտանիքից։ Իսկ ի՞նչ է նա այստեղ անում։ Մեզ նման մետրոյով է եկել, ինչ-ոչ քասթինգ անցել է, որ գործակալություն է նրան ներկայացրել։ Անցյալ տարի ես նրան չեմ եսել։ Բայց նա արդեն ԱՎԵԼԻ ՇԱՏ գումար է վաստակում, ԱՎԵԼԻ ՄԵԾ ճանաչում ունի։ Նա մեր կատարած աշխատանքի կեսն անգամ չի արել։ Հավանաբար նրա մայրիկը զանգահարել ու խնդրել է, որ իր դստերն ընտրեն»,-գրել է Արիշե Ուենզերը։

Աղբյուրը՝ Yahoo Lifestyle